რეჟისორი ალექსანდრე ვახტანგოვი გარდაიცვალა

ალექსანდრე ვახტანგოვმა 1985 წელს დაამთავრა შოთა რუსთაველის სახელობის თეატრალური ინსტიტუტის ტელესარეჟისორო ფაკულტეტი.

ალექსანდრე ვახტანგოვი რეჟისორად მუშაობდა საქართველოს პირველ არხზე.

1989-2001 წლებში მუშაობდა კომპანიაში „ქართული ტელეფილმი“. 1995-1998 წლებში პირველი ქართული დამოუკიდებელი ტელე-რადიო ინსტიტუტის რექტორი იყო. 2002-2003 წლებში სტუდია „აუდიენციის“ სამხატვრო ხელმძღვანელის პოზიცია ეკავა. 2003 წლიდან სტუდია „სანდრო ვახტანგოვ პროდაქშენის“ დამაარსებელი და ხელმძღვანელი იყო.

ალექსანდრე ვახტანგოვი 30 სატელევიზიო ფილმის ავტორი და რეჟისორი იყო, ასევე, 300-ზე მეტი ტელეგადაცემისა და ვიდეოკლიპის ავტორი, რეჟისორი და პროდიუსერი. ჰქონდა ხელოვნებათმცოდნეობის დოქტორის წოდება. იყო საქართველოს კინემატოგრაფისტთა შემოქმედებითი კავშირის წევრი.

2001 წელს მოპოვებული აქვს საქართველოს სახელმწიფო პრემია ფილმისთვის „პილიგრიმობა ევროპიდან იერუსალიმში“, 1998 წელს – მონტროს ფესტივალის „ოქროს ვარდისთვის“ სპეციალური დიპლომი ფილმისთვის „ბალეტმაისტერი.“ 1996 წელს „მანა 96“-ზე წლის საუკეთესო რეჟისურისთვის დაჯილდოვდა. 1994 წელს კანის სატელევიზიო ფილმების ფესტივალზე სპეციალური დიპლომი მიიღო ფილმისთვის „ოდეონი“.

 აგრეთვე დაგაინტერესებთ:

⭕როგორ მიულოცა ხვიჩა კვარაცხელიამ ცოლს ვალენტინობა

🎥 „არაფერია სიყვარულის ფასი, როცა გინდა ცხოვრების ყველა წამი შეირგო საყვარელ ადამიანთან ერთად“ - თათია შარანგია ქმართან ერთად გადაღებულ კადრებს აქვეყნებს

⭕ექიმების რჩეული ტოპ 3 პროდუქტი, რომელიც მუცლის ცხიმის დაწვაში დაგეხმარებათ