21-ე საუკუნეში გაჯეტების და ინტერნეტის, იუთუბის ეპოქაში გამარტივდა ბევრი რამ, მათ შორის იმ ცოდნის მიღება რაც საუკუნეების მანძილზე დაფარული იყო და მხოლოდ უდიდესი ნიჭის მქონე ადამიანები ფლობდნენ მას. ჩვენ დროში კი ინტერესი გაიზარდა როგორც ასტროლოგიის, ეზოტერიკის ისე ნუმეროლოგიის მიმართ - თუ როგორ გავარჩიოთ ნამდვილი ეზოტერიკოსები, ნუმეროლოგები შარლატანებისგან ამის კონკრეტული ფორმულა არ არსებობს, მაგრამ არსებობს ის ფაქტორები და გარემოებები რასაც უნდა მივაქციოთ ყურადღება.
თათია გარანიძე ერთ-ერთი პოპულარული პრაქტიკის, „ბედის მატრიცის“ სპეციალისტია საქართველოში, რომელმაც განათლება ბალტიისპირეთში მიიღო. იგი პროფესიით ნუმეროლოგი და ფსიქოლოგია.
რა გზა გაიარა წარმატების მისაღწევად, ნუმეროლოგმა აღნიშნულ თემაზე ინტერვიუ ok-სთან ჩაწერა:
„ჩემი ისტორია დაიწყო ბავშვობაში, ეს იყო ძალიან დიდი სულიერების გზა. მიყვარდა მონასტერში ყოფნა, ჩემი საუკეთესო მეგობარი იყო მეუფე დავითის შვილი. ბავშვობაში ძალიან მინდოდა ეკლესიაში წასვლა, დარჩენა, მაგრამ ერთადერთი შვილი ვარ და მშობლებმა გადაწყვიტეს, რომ ეს არ გამოვიდოდა და გამიშვეს საზღვარგარეთ.
იქ ჩემამდე მოაღწია ციფრულმა ფსიქოლოგიამ. ჩამოვედი საქართველოში, ვაკეთებდი სხვადასხვა პროექტებს, მივდიოდით ლატვიაში და ამ პერიოდში გავიცანი ბედის მატრიცა თავის საიდუმლოებებით.
პირველი ვიდეო 2019 წელს ჩავწერე, თუმცა დახურულ ჯგუფში, რადგან საკუთარ თავთან ბრძოლები მქონდა მაინც საქართველოა, რელიგია ვიცოდი და ადათ-წესები. გამიჭირდა, მაგრამ შემდეგ ყველაფერი თავისთვის მოვიდა, წამოვიდა დიდი ინტერესი მატრიცის და ძალიან მიხარია. ეს არის მიმართულება, რომელიც გასწავლის გახდე შენი თავის საუკეთესო ვერსია.
სამომავლო გეგმები მაქვს გრანდიოზული. მაქვს საკუთარი აღმოჩენა, რაც ასტროლოგიას უკავშირდება. ძალიან დიდი ბმა დავიჭირე ნუმეროლოგიასა და ასტროლოგიას შორის. შემიძლია ვთქვა, რომ საკუთარ აღმოჩენებს ვაკეთებ“, - ამბობს თათია გარანიძე.
ასევე დაგაინტერესებთ:
🎥 როგორ გავწმინდოთ ტვინი ტოქსინებისგან - კოტე თოდუა ტვინის 7 საუკეთესო მკვებავს ასახელებს
⭕„გასროლის ხმა არ გაგვიგია...“ - რას ჰყვებიან მეზობლები გლდანში მომხდარ მკვლელობაზე
