აკაკი წერეთლის გამზირზე, საგზაო სამუშაოების დასრულების შემდეგ, რამდენიმე ლოკაციაზე, ტრანსპორტის მოძრაობის მიმართულება იცვლება.
კერძოდ, შოთა შალიკაშვილის სახელობის ხიდიდან, ავტომობილები, ნონა გაფრინდაშვილის ქუჩის მიმართულებით, გადაადგილებას შეძლებენ შალიკაშვილის ხიდის მარჯვენა პანდუსიდან, მარცხნივ მოხვევით. გაფრინდაშვილის ქუჩისა და კოსმონავტების სანაპიროს დამაკავშირებელი გვირაბიდან წერეთლის გამზირზე მოხვედრა, ასევე, შესაძლებელი იქნება მარცხნივ მოხვევით.
გარდა ამისა, მოძრაობის მიმართულება შეიცვლება გიორგი ცაბაძის ქუჩის ნაწილზე და გადაადგილება დასაშვები იქნება მხოლოდ ცალმხრივად. კერძოდ, ავტომობილები იმოძრავებენ თევდორე მღვდლის ქუჩიდან წერეთლის გამზირის მიმართულებით.
აგრეთვე დაგაინტერესებთ:
⭕როგორია განახლებული წერეთლის გამზირი (ფოტოკოლაჟი)
🎥 როგორ მოვიქცეთ, რომ ჩვენი მეხსიერება გაუმჯობესდეს? - გიორგი ღოღობერიძის რჩევები
🎥 გაიცანით ოჯახი, რომლის ოთხივე თაობა მეფუტკრეა - ტრადიციად ქცეულ პროფესია
