დიდი დიღმის მე-3 და მე-4 მიკრორაიონში მასიურად მოწამლეს მიკედლებული ძაღლები. მათი სიკვდილის მიზეზი უცნობი ქიმიური ნივთიერებებია. მსგავსი ლაბორატორიული დასკვნა სხვადასხვა ქუჩებზე მოკლული მიკედლებული ძაღლების მზრუნველებმაც მიიღეს.
ძაღლები ჯერ მოწამლეს, შემდეგ ნაგვის ურნაში ჩაყარეს. ადგილობრივები ამბობენ, რომ ჯანმრთელი ძაღლები მოულოდნელად ცუდად გახდნენ და ერთი და იგივე სიმპტომები აღენიშნებოდათ.
აღნიშნულ თემაზე გადაცემაში „იმედი დღის“ რუბრიკა „თათების იმედი“ სოფია ბეროშვილთან ერთად ისაუბრეს.
„ვიცი, რომ ძაღლები მასიურად დაწამლეს, ცუდად გახდნენ, იწვნენ უგონოდ, ტანჯვით დაიხოცნენ. მე გავიგე ეს 6 ძაღლზე. იყვნენ სულ სველები და მივხვდი, რომ იყვნენ მოწამლულები. ვყვიროდი, მომიწამლეს -მეთქი.
მოგროვდნენ კეთილი ადამიანები, დამეხმარნენ და წავიყვანეთ კლინიკაში. მესამე ცუგა ვერ ვიპოვე, მითხრეს, რომ თავბრუ ეხვეოდა, პირიდან მოსდიოდა დუჟი. ვფიქრობ, საჭმელში გაურიეს“, - ამბობს ერთ-ერთი ადგილობრივი.
ვრცლად, ნახეთ სიუჟეტი 👇
ასევე დაგაინტერესებთ:
⭕ცნობილია, თანასოფლელის მიერ კახეთში მოკლული პირების ვინაობა
🎥 17-წლიანი სიყვარულის ამბავი და საერთო საქმიანობით დაგვირგვინებული ოჯახური თანაცხოვრება
