„ვარლამ ლიპარტელიანი ასპარეზობდა 2016 წელს რიოში, ოლიმპიადაზე, როდესაც ფინალი წააგო და ძალიან ტიროდა, მეც ძალიან გული დამწყდა და ძალიან, ძალიან მეწყინა“, - განუცხადა „ქრონიკას“ ძიუდოში მსოფლიო ჩემპიონმა ეთერ ლიპარტელიანმა.
„მაშინ მეც პატარა ვიყავი და ვთქვი, რომ არაუშავს, მე შევძლებ, მაქვს დრო ჯერ კიდევ და შევეცდები ეს შთაგონების წყარო მოტივაციად გადავაქციო“, - აღნიშნა ეთერ ლიპარტელიანმა.
მისივე თქმით, როდესაც საკუთარ თავთან მარტო რჩებოდა, ყოველთვის ფიქრობდა თუ რა გზა უნდა გაევლო და რისთვის მიეღწია.
