განზრახ მკვლელობა თუ თვითმკვლელობა - საეჭვო ვითარებაში გარდაცვლილი შინაგან საქმეთა სამინისტროს მაღალჩინოსნის ოჯახი ობიექტურ გამოძიებას ითხოვს. საქმე ეხება საავიაციო უშიშროების განყოფილების უფროსის მოადგილეს ლევან სულაშვილის გარდაცვალებას.
ახალგაზრდა კაცი თბილისის ზღვაზე იპოვეს, მას ცეცხლსასროლი იარაღით მიყენებული ჭრილობა აღენიშნებოდა.
როგორც 28 წლის კაცის ოჯახის წევრები ამბობენ, გარდაცვლილს პრობლემები არ ჰქონია.
„ორშაბათს ერთად წავედით თბილისში მე და ჩემი შვილი. თემქასა და მუხიანს შორის სადღაც დანგრეულ გზაზე ჩაგვიყვანეს, ჩვენ რომ მივედით ყველაფერი დამთავრებული იყო. რომ მივედით გამოგვიცხადეს, რომ თავი მოიკლაო. ამას სიკვდილის არანაირი მიზეზი არ ჰქონია. თავში აქვს ნასროლი. ვითხოვთ გამოძიებას, არც ტელეფონია გახსნილი, იქ რანაირად ჩავიდა მანქანა, ან როგორ გაიგეს სად იყო მკვდარი“, - ამბობს გარდაცვლილის დედა.
„შეიძლება ემუქრებოდნენ, მეეჭვება თვითმკვლელობა ყოფილიყო, ამის მიზეზი მას არ ჰქონია. რომ იჯდა იარაღი კალთაში ეგდო, თავი მიყუდებული ჰქონდა „სტოიკაზე“. ტყვია მარცხენა მხარეს გაჭედილი ნახეს“, - ამბობს გარდაცვლილის მამა.
ასევე დაგაინტერესებთ:
