უკრაინაში 1 თვის წინ ჰოსტომელის აეროპორტის წმენდის ოპერაციის დროს მოწამლული ქართველი მებრძოლების ჯანმრთელობის მდგომარეობა დამძიმდა. 6 მებრძოლი ახლა კლინიკაში გადაჰყავთ. მათ მკურნალობის ერთი კურსი უკვე ჩაუტარდათ, თუმცა მდგომარეობა კვლავ დამძიმდა. ქიმიური მოწამვლის კვალი სისხლში ისევ არსებობს. მოწამლულებს შორისაა დავით ქაცარავაც.
„პირველ ეტაპზე 6 კაცი ვიყავით კლინიკაში, მაგრამ ახლა ჩივილები დაიწყეს იმ ჯგუფის წევრებმა, ვინც ჩვენთან იყვნენ. ყელის სიმშრალე, წვა, სახსრების ტკივილი ახასიათებს ზარინით მოწამვლას“, - განაცხადა ქართველმა მებრძოლმა ნადიმ ხმალაძემ.
უკრაინაში საომრად წასული დავით ქაცარავას თქმით, შესაძლოა, რამდენიმე მებრძოლი საქართველოში დაბრუნდეს, რათა იმკურნალონ.
„ჯგუფის ნახევარზე მეტი საუბრობს იმ სიმპტომებზე, რომელიც დამახასიათებელია ზარინით მოწამვლის დროს. შეიძლება რაღაც ეტაპზე დადგეს საკითხი, რომ ის ადამიანების, რომლებიც მოწამლულები არიან ზარინით, დაბრუნდნენ საქართველოში, რათა იმკურნალონ“, - განაცხადა ქაცარავამ.
ასევე დაგაინტერესებთ👇
