მოკლული ბუტა რობაქიძის დედა ია მეტრეველი დღეს პარლამენტის დროებითი საგამოძიებო კომისიის სხდომაზე გამოცხადდა. მან მისი შვილის, ბუტა რობაქიძის მკვლელობის დეტალები გაიხსენა და განაცხადა, რომ განსაკუთრებით დიდი დანაშაული მიუძღვის „ნაციონალური მოძრაობის“ დროინდელ საპატრულოს უფროსს მიქაძეს, რომლის აზრითაც, „სცენარი უნდა გათამაშებულიყო, რომ ვითომ ბუტამ ავტომატიდან ორჯერ გაისროლა და ამის შემდეგ მოხდა პატრულის მიერ გასროლა“.
გარდა ამისა, საქვეყნოდ ცნობილია, რომ იმ პერიოდში თავად ია მეტრეველსაც ემუქრებოდნენ, რისი ამსახველი კადრები ჟურნალისტმა ნინო მიქიაშვილმა გაავრცელა:
„აი, ვიდეო, სადაც მკვლელის მამა ბუტა რობაქიძის დედას დაჭერით ემუქრება.
კერძოდ, ზურა ვაზაგაშვილისა და ალექსანდრე ხუბულოვის მკვლელობაში ერთ-ერთი მსჯავრდებულის მამა ემუქრება ამირან (ბუტა) რობაქიძის დედას, ქალბატონ ია მეტრეველს.
ვიდეო გადავიღე 2016 წლის 25 მარტს, სააპელაციო სასამართლოს შესასვლელთან - კორტების საქმის განხილვა მიმდინარეობდა იმ დღეებში და ეს ვიდეოკადრები სხდომის დასრულების შემდეგ გადავიღე.
იმ დღეებში ცოცხალ კორიდორს აწყობდნენ და ვაზაგაშვილებთან ერთად ვინც იყო ყველას ეძახდნენ მკვლელს და ბარიგას, ფიზიკურად ეხებოდნენ, მანდატურების თვალწინ (უკლებლივ ყველა ვიდეოკადრი შენახული მაქვს).
ამ კონკრეტული ვიდეომასალას ვაქვეყნებ იმათთვის, ვისაც გიკვირთ ნაცლიბერალური კომენტარები - აგერ, ამ ვიდეომასალაში პირდაპირ ემუქრებიან გაუბედურებულ ადამიანს“, - წერს ნინო მიქიაშვილი.
ასევე დაგაინტერესებთ:
⭕ია დუდაშვილი შვილების ახალ ფოტოებს აქვეყნებს - „უსაყვარლესი ბავშვები“
