გიორგი შერმადინმა საქართველოს კალათბურთის ნაკრებში 20-წლიანი კარიერა დაასრულა. გამოცდილი კალათბურთელი ეროვნული გუნდის ღირსებას 2006 წლიდან იცავდა, ახლა კი ამბობს, რომ დროა, გზა ახალგაზრდებს დაუთმოს.
ბოლო საშინაო შეხვედრა შერმადინმა 27 ნოემბერს თბილისში, უკრაინის წინააღმდეგ გამართა. სიტყვის გამოსვლის დროს კი მან საქართველოს პრემიერ-მინისტრს ირაკლი კობახიძეს მადლობა გადაუხადა, რასაც დარბაზში მყოფი გულშემატკივრების უკმაყოფილება მოჰყვა.
აღნიშნულს სოციალურ ქსელში გიორგი შერმადინის ცოლი, ანი ამაშუკელი გამოეხმაურა და უფალს ყველაფრისთვის მადლობა გადაუხადა:
„მადლობა უფალს ყველაფრისათვის.
ჩვენი ოჯახის სახელით მინდა მადლობა გადაგიხადოთ ყველას, ვინც გაიზიარეთ გიორგის ემოცია ეროვნული ნაკრების დატოვების გამო. ვისაც უნდა დანახვა, ყველა დაინახავს გიორგის თავდადებას და მონდომებას ხშირად საკუთარი ჯანმრთელობის ხარჯზე.
მადლობა იმათაც, ვინც სალანძღავი სიტყვები არ დაიშურა, დამერწმუნეთ არც ამ ადამიანების მიმართ გვაქვს ბრაზი, გიორგის ყველა გულშემატკივარი ერთნაირად უყვარხართ! ყველანი ერთნაირად ძვირფასნი ხართ მისთვის! მხოლოდ სიკეთეს და სულიერ სიმშვიდეს გისურვებთ.
მადლობა უფალს რომ მადლიერების და დათმენის უნარი მოგვცა. მაინც ,,სიყვარული ატრიალებს დედამიწას” და ყველას ურთიერთსიყვარულს და პატივისცემას გისურვებთ!“, - წერს ანი ამაშუკელი.
ასევე დაგაინტერესებთ:
⭕ანუკი არეშიძე ახალ კადრებს აქვეყნებს - დიზაინერი მოკლე ოქროსფერ კაბაში პოზირებს
🎥 „ტოქსიკურია ურთიერთობა, როდესაც ბევრი დაშორება და შერიგებაა“ - ფსიქოლოგის გაფრთხილება წყვილებს
