ფსიქოლოგი ნათია ფანჯიკიძე საქართველოში არსებულ ვითარებას აფასებს. მისი აზრით, რუსეთს საქართველოში მეორე ფრონტის გახსნის არც რესურსი აქვს, არც საჭიროება, რადგან აქ გადმოსხა თავისი მოსახლეობა და ტერიტორია პრაქტიკულად უკვე მისი-ცაა.
„ასეთი შთაბეჭდილება მრჩება, რომ რუსეთს მეორე ფრონტის გახსნის არც რესურსი აქვს, არც საჭიროება, რადგან აქ გადმოსხა თავისი მოსახლეობა და ტერიტორია პრაქტიკულად უკვე მისი-ცაა. ხოდა ახლა, კაგებეურ-ტრადიციულად პროვოცირებული შიდაომი აწყობს, რომელიც უფრო ეკონომიურია, ანუ ყველაზე მეტად ის მოეწონებოდა, საქართველოს მოქალაქეები ერთმანეთს თუ დავერევით, რომ შევთხელდეთ კიდევ, მათ კი თავიანთ საყვარელ სეირს უყურონ, გლადიატორების კარიკატურული არენის გამართვით.
ასე რომ ნურავის მოფხანს გულს ვინმეს ან ცემა, ან რომელიმე ინსტიტუტის რღვევა.
როგორც ძველი რაჭული ანდაზა ამბობს, რაც გარშემო ტრიალებს, შენამდეც ის მოვა“, - წერს ნათია ფანჯიკიძე.
🔵 ასევე დაგაინტერესებთ:
