განათლების, მეცნიერებისა და ახალგაზრდობის მინისტრის კონსულტანტი ზოგადი განათლების საკითხებში გია მურღულია სოციალურ ქსელში ემოციურ პოსტს აქვეყნებს, სადაც მოსწავლის მიერ დაწერილ თემაზე საუბრობს:
„ამ დილას ბავშვების ნაწერებს ვკითხულობდი - მეათე კლასია. ასეთი თხზულება უნდა დაეწერათ: „სამშობლოსათვის ცოტა გაგიკეთებია, თუ ყველაფერი არ გააკეთე“ (მაქსიმილიან რობესპიერის სიტყვებია).
ერთმა მოსწავლემ ასე დაიწყო:
„ზაფხული იყო. მე რვა წლის ვიყავი. განცვიფრებული ვუყურებდი დედაჩემს, სანამ ის ყვავილების ბაღს უვლიდა. უზომო სიფრთხილით ეპყრობოდა თითოეულს, მაგრამ განსაკუთრებით - ვარდებს.
„დე, რასაც გააკეთებ, გულიანად და გულდასმით უნდა გააკეთო ყოველთვის - ეს დაიმახსოვრე. მე რომ ჩემს „ლამაზებს“ ყოველდღიურად ასე არ ვუვლიდე, ასეთი მშვენიერები კი არ იქნებოდნენ?“ - მეუბნებოდა ხოლმე.
ახლა უკვე ეს ბაღი აღარ გვაქვს (სხვაგან გადავედით საცხოვრებლად), თუმცა ამ თემის წერისას ეს სიტყვები მკაფიოდ გამახსენდა - ჩვენი ქვეყანაც ვარდი არ არის? მასაც ხომ ყოველდღიური ზრუნვა და გაფრთხილება სჭირდება?“
ვინ იცის - იქნებ ყმაწვილის პირით ამ დილას საქართველო ლაპარაკობდა?“, - წერს გია მურღულია.
⭕ ასევე დაგაინტერესებთ:
⭕ზოდიაქოს 3 ნიშანი, რომელთათვისაც 2025 წელი ფინანსურად განსაკუთრებით წარმატებული და იღბლიანი იქნება
