გია დავითიანი არის ცნობილი და საყვარელი ქართველი მომღერალი, მუსიკოსი, საქსოფონისტი და პოპულარული კვარტეტ „ალილოს“ წევრი. მისი გამორჩეული, ხავერდოვანი და ემოციური ხმა ათწლეულებია ქართული ესტრადისა და ფოლკლორული მუსიკის ერთ-ერთ სავიზიტო ბარათს წარმოადგენს.
გია დავითიანის მეუღლე წარმატებული ექიმი-გინეკოლოგი ეკატერინე არჩვაძეა. წყვილმა ოფიციალურად 2021 წლის თებერვალში იქორწინა, როდესაც მომღერალი 61 წლის იყო.
ეკატერინე არჩვაძე დღეს, 9 სექტემბერს, 53 წლის გახდა:
„გილოცავ, დიდხანს მყავდე...“, - წერს გია დავითიანი.
ეკა არჩვაძისთვის ეს მეორე ქორწინებაა, იგი წარსულში ცნობილი ექიმისა და ტელესახის, ოთარ ტატიშვილის პირველი მეუღლე გახლდათ. გია დავითიანის პირველი მეუღლე კი (რომელთანაც ორი ქალიშვილი ჰყავს) წლების წინ მძიმე სენით გარდაიცვალა.
წყვილს საერთო შვილები არ ჰყავს, თუმცა გიას პირველი ქორწინებიდან ორი ქალიშვილი ჰყავს, ხოლო ეკას - ორი ვაჟი (შოთიკო და ზუკა ტატიშვილები). როგორც თავად მომღერალი ინტერვიუებში აღნიშნავს, შვილებმა მათი ქორწინება ძალიან თბილად მიიღეს.
წყვილი ამჟამად მარტყოფში ცხოვრობს.
ასევე დაგაინტერესებთ:
