საქართველოს პირველი პრეზიდენტის, ზვიად გამსახურდიას ვაჟი ცოტნე გამსახურდია 2019 წლის, 19 დეკემბერს დაჭრეს. მას თავდაპირველად, ხეჩინაშვილის კლინიკაში მკურნალობდნენ, შემდეგ კი საზღვარგარეთ ერთ-ერთ კლინიკაში გადაიყვანეს. ამჯერად იგი საქართველოში, საკუთარ სახლში გადის რეაბილიტაციის კურსს.
გამსახურდიას დაჭრის ფაქტზე 4 პირია დაკავებული.
ცოტნე გამსახურდიას მეუღლე ანა ჯაბაური სოციალურ ქსელში ცოტნეს ერთ-ერთ ძმის შვილზე წერს, რომელიც საქართველოში ცოტა ხნით იმყოფებოდა:
„არასოდეს უცხოვრია საქართველოში ბედის უკუღმართობის გამო. შვეიცარიაში დაიბადა და გაიზარდა.
ბოლო წლებია გერმანიაში, ბერლინში ცხოვრობს, დოქტურანტურაში სწავლობს, სადისერტაციო ნაშრომს ამზადებს ფილოსოფიასა და ისტორიაში. არაერთი სამეცნიერო ნაშრომისა და თარგმანის ავტორია უკვე. ჯერ მარტო მის მიერ გერმანულ ენაზე დიდი ბაბუის ,,დიონისოს ღიმილის” საუცხოო თარგმანი რად ღირს…
ფილოსოფოსი, ისტორიკოსი, მთარგმნელი, მუსიკოსი და,უბრალოდ, კარგი ადამიანი - ზრდილი, თბილი, ტკბილი. ნამდვილი ინტელიგენტი, ძლიერი ქართული ფესვებითა და ევროპული დახვეწილობით - ზვიად კონსტანტინეს ძე გამსახურდია უმცროსი.
ეს ის შემთხვევაა, როდესაც დიდ წინაპართა გენი შთამომავლობაზე ნამდვილად არ ისვენებს.
პ.ს. საქართველოში ხანმოკლე ვიზიტით იმყოფებოდა და ჩამოსვლისთანავე ბიძა მოინახულა, რაღა თქმა უნდა. შეხვედრა ძალიან ემოციური იყო, ძმისშვილები ცოტნეს ფავორიტი ვიზიტორები არიან“, - წერს ანა ჯაბაური.
ასევე დაგაინტერესებთ:
