UFC-ის მებრძოლი მერაბ დვალიშვილი საქართველოშია. მერაბთან ერთად საქართველოს „ნინა დრამა“ კვლავ ესტუმრა.
ცნობილი ჟურნალისტი ნინა მარია დანიელე, რომელიც „ნინა დრამა“-ს სახელითაა სოცქსელში ცნობილი, საქართველოში პირველად ზაფხულში იყო. მან მერაბ დვალიშვილთან ერთად საქართველოს რამდენიმე კუთხე მოინახულა.
„გამარჯობა მეგობრებო. დღეს არის 2026 წლის 6 იანვარი. გილოცავთ შობას, დაესწარით მრავალს. „ნინა დრამა“ ისევ ჩამოვიდა საქართველოში. პატარა ზამთრის ტურს გავაკეთებთ“, - ამბობს მერაბ დვალიშვილი ვიდეოში.
„ნინა დრამა“ კი საზოგადოებას დამდეგ შობას ულოცავს და ამბობს, რომ მერაბის დაბადების დღეც ერთად უნდა აღნიშნონ:
„მე აქ ვიმყოფები, რომ აღვნიშნო შობა და მერაბის დაბადების დღე. ჩვენ ჩამოვედით საქართველოში, გამოგვყევით და ადევნეთ თვალი ჩვენ მოგზაურობას. ეს არის საქართველოში მოგზაურობის მეორე ნაწილი“, - ამბობს „ნინა დრამა“ ვიდეოში.
ცნობისთვის ნინა, UFC-ის სპორტული ჟურნალისტია, რომელიც MMA-ს შესახებ გასართობ კონტენტს ქმნის.
⭕აგრეთვე დაგაინტერესებთ:
🎥 „ასე მომილოცა ანნამ 46-ე დაბადების დღე“ - ნოე სულაბერიძე იუბილარია
⭕„ახალი საქმეების წამოწყებას არ გირჩევთ...“ - დღის მეტაფიზიკური პროგნოზი
