სამოქალაქო აქტივისტი გიგა მაქარაშვილი ფეისბუკის პირად გვერდზე კანცელარიასთან გამართულ აქციას ეხმაურება და წერს, რომ მშობლების საქმე, რომლებიც ცდილობენ მთავრობას შვილებისთვის წამალი აყიდვინონ, ყველაზე და ყველაფერზე მნიშვნელოვანია.
„მიმიფურთხებია ყველა რეაბილიტირებული სკვერისთვის, ქუჩისთვის, ფანტანისთვის, განახლებული ავტო პარკისთვის, ბათუმში ასაშენებელი ხელოვნური კუნძულისთვის, ღამის ეკონომიკისთვის, ვერ გახსნილი რიკოთისთვის, არაშენებული ელექტრო ავტომობილების ქარხნისთვის, თეა წულუკიანისთვის, ბასლანიზე მორბენალი შკოდებისთვის, ყველა კორპუსთან ჩაბეტონებული უხარისხო “ტრენაჟორებისთვის”, შალვა რამიშვილისთვის, ვითომ აწყობილი ჯანდაცვისთვისთვის, ზარალად ქცეული ბლექ სი არენისთვის, ობოლი ბავშვებისთვის დარიგებული „ფორტეს” დისკებისთვის, სანქცირებული მოსამართლეებისთვის, რუსეთთან და ირანთან მეგობრობისთვის…
ყველაფრისთვის მიმიფურთხებია, როცა გამწარებული მშობლები ღამეს ათევენ კანცელარიასთან, რომ მთავრობას შვილებისთვის სასიცოცხლოდ მნიშვნელოვანი წამალი აყიდვინონ!
ანუ, მთავრობას საკუთარი გადასახადებით შეგროვებული ფული ვერ გამოაყოფინეს, რომ მძიმე დაავადებით დაბადებულ შვილებს სასიკვდილო რისკები ოდნავ შეუმსუბუქონ!
ეს უკვე მიშა-ბიძინას, ნაც-ქოცის, ან დასავლეთ-რუსეთის ომი აღარაა. აქ ადამიანად დარჩენის მომენტია!
საქართველოს მთავრობა თავზე ხელს ნუ აგვაღებინებთ, ბავშვებს წამალი უყიდეთ!!!“, - წერს გიგა მაქარაშვილი.
ასევე დაგაინტერესებთ👇
🔵🎥 „ჩემი შვილები მალავენ, რომ ჩემი შვილები არიან“ - მადონა კოიძე
🔵„ჩემი ცხოვრება“ - ბაბი კირკიტაძის ფოტომ სოციალური ქსელი აალაპარაკა
