ემიგრანტი ანა ბარბაქაძე, რომლის დედასაც დემენცია აქვს, სოციალურ ქსელში ვრცელ პოსტს აქვეყნებს, რომელსაც „დაიჯესტი“ უცვლელად გთავაზობთ.
„ერთ-ერთ პოსტზე დავწერე ის კომენტარი, რასაც ახლა გაგიზიარებთ, რადგან მივხვდი რომ აქაც უნდა გამეზიარებინა. ცოტათი გადავაკეთებ რომ სტატუსის სახე მივცე, მადლობა, მიყვარხართ.
დედა შედარებით უფრო კარგად არის ვიდრე ანალოგიურ მდგომარეობაში მყოფი პაციენტები და ეს უპირობო სიყვარულის დამსახურება გახლავთ ყველაზე ადვილად წარმოსათქმელი წინადადების დედა მე შენ მიყვარხარ -ის დამსახურება გახლავთ. „მიყვარხარ“ უფასო არის სხვა წამლებისგან განსხვავებით, მაგრამ ყველა წამალზე უკეთ მოქმედებს.
დედას ტვინი სულ შეჭმული აქვს , ანუ მის მაგივრად სითხე არის(ტომოგრაფიამ ასე აჩვენა) ეს გამოწვეულია ბოლო სტადიის დემენციით. ასეთ მდგომარეობაში პაციენტები არამცთუ ვერ მეტყველებენ არამედ ფაქტობრივად ვერც კი მოძრაობენ .მოგეხსენებათ ეს დაავადება ნელ-ნელა თიშავს ორგანოებს და რა მიზეზით შეუძლია დედას თუნდაც ასეთ მდგომარეობაში ზოგჯერ სიყვარულის ჩვენ მიმართ გამოხატვა ? !იმ მიზეზით რომ ჩვენ 24 საათის განმავლობაში უპირობო სიყვარულს ვუზიარებთ, თავს უსაფრთხოდ ვაგრძნობინებთ ანუ ვაგრძნობინებთ რომ ყველაზე აგრესიულ მდგომარეობაშიც კი მის გვერდით ვართ მე და დანიელი და გასაოცრად მის სხეულს ამახსოვრდება და გვიბრუნებს უკან აი თუ რატომ აქვს დედას აგრესია ახლავე მოგახსენებთ.
ძლიერ წამლებზე მყოფი დემენციის მქონე პაციენტები გათიშულ მდგომარეობაში არიან ძირითადად შესაბამისად ისეთი აგრესია აღარ უჩნდებათ მაგრამ სამაგიეროდ დროთა განმავლობაში ეს წამლები (ფსიქოტროპულები და ა.შ) საწოლად აგდებს პაციენტს ამიტომ დედას წამლებს არ ვაძლევ . ასეთ პაციენტებს აგრესია ყოველთვის მომვლელის მიმართ უჩნდებათ რადგან ხშირად მათ ხედავენ შესაბამისად სხეულის დონეზე (გონითი მახსოვრობა მათ აღარ აქვთ) უფრო ისინი ამახსოვრდებათ შესაბამისად დაბნეულობის , აგრესიის ჟამს ისინი აგრესიას მიმართავენ იმისკენ ვინც ახსოვთ ანუ იმ დროს მის გვერდით მყოფი ადამიანის, მომვლელის მიმართ.
დემენცია იწვევს მენტალურ ტკივილებს რაც შემდეგ იწვევს ჰალუცინაციებსა და ილუზიებს და რა თქმა უნდა ორივე მომვლელის მიმართ უჩნდება (ანუ ჩემ მიმართ რადგან მე ვუვლი) ძლიერი ჰალუცინაციების დროს აუცილებელია მომვლელი სხვამ ჩაანაცვლოს (ამიტომ აუცილებელია მომვლელს დამხმარე ჰყავდეს) რადგან ჩანაცვლების დროს წყნარდება და მომვლელის მიმართ აგრესია უქრება , მომვლელი როგორც მისი ჰალუცინაციის ცუდი პერსონაჟი ისე აღარ ევლინება არამედ როგორც ჰალუცინაციების გარეშე ახსოვთ ისევ ისეთ ადამიანად ბრუნდება მათ მეხსიერებაში , ჩემ შემთხვევაში როგორც კეთილი გოგო
იმის გამო, რომ მე დამხმარე არ მყავს, თავადვე ვცდილობ დედის ჰალუცინაციების ჟამსაც დაწყნარებას მის გონში შეღწევას და ჰალუცინაციების შეცვლას ანუ დედის დაწყნარებას და ეს მარტო უპირობო სიყვარულით არის შესაძლებელი დამიჯერეთ მე რომ არ მესწავლა უპირობო სიყვარული (დღემდე ვსწავლობ) დედა დღეს ისევე არაადეკვატური იქნებოდა როგორც თავიდან იყო სანამ მე უპირობო სიყვარულით მიდგომებს ვისწავლიდი .(თავიდან ფეკალური მასები სამზარეულოში გამოჰქონდა , ელემენტარულსაც კი ვერ აკეთებდა ახლა ღამე თავისით შედის საპირფარეშოში წყლის ჩასხმის გარდა ყველაფერს აკეთებს , თუმცაღა ზოგჯერ ამასაც აკეთებს და თავისით ისევ უბრუნდება მის საწოლს ეს სხეულის დონეზე ახსოვს და ეს ყველაფერი საოცარია) ამიტომ ვამბობ, რომ ყველაფრის წამალი უპირობო სიყვარული გახლავთ.
მე რომ ეს არ მესწავლა (ახლაც ვსწავლობ) დღეს სამი ადამიანი და ერთი ძაღლი ამ ყველაფერს შეეწირებოდა ანუ მე დედა დანიელი და ბუბუ ახლა კი ღმერთის წყალობით ყველაფერი ლაგდება მინდობით ნეგატივის სიყვარულად გარდაქმნით , ქაოსში ჰარმონიის აღმოჩენით , მიღებით და დახმარებით შემდეგ კი ცოდნის გაზიარებით სასწაულები ხდება, ამიტომ ისწავლეთ თქვენი თავის მართვა, ისწავლეთ უპირობო სიყვარული და ყველაფერი საუკეთესოდ იქნება“, - წერს ანა ბარბაქაძე.
აგრეთვე დაგაინტერესებთ:
⭕სოფი ლორენის შვილი საქართველოშია - შეყვარებული წყვილი ლეღვთახევში პოზირებს
⭕როგორ გავხდეთ ზაფხულამდე - აირჩიეთ სასურველი დიეტა
⭕„შეუდარებელი ხარ“ - თიკა ფაცაციას ახალმა ფოტოებმა საზოგადოება აალაპარაკა
