მოდელი მარიშა გვიდანი ავტოსაგზაო შემთხვევას ემსხვერპლა. ამის შესახებ „ფორტუნას“ სააგენტოში „Geomodels Agency“ განუცხადეს.
ავტოსაგზაო შემთხვევა დაახლოებით, ერთი კვირის წინ მოხდა. სააგენტოს წარმომადგენელი, მოდელის ოჯახის წევრებზე დაყრდნობით აღნიშნავს, რომ მძღოლი არაფხიზელ მდგომარეობაში იმყოფებოდა და ის ადგილზე ჩაბარდა პოლიციას.
მარიშა გვიდანი კლინიკაში უგონო მდგომარეობაში გადაიყვანეს. მოდელი მთელი ამ ხნის განმავლობაში მართვითი სუნთქვით აპარატზე იყო მიერთებული, თუმცა ექიმების ძალისხმევის მიუხედავად, მისი გადარჩენა ვერ მოხერხდა და გუშინ, 8 ოქტომბერს გარდაიცვალა.
„ნასვამი მძღოლი დაეჯახა, ტროტუარზე მყოფ მარიშას.. ოჯახის წევრები გაოგნებულები იყვნენ, ძალიან ოპერატიულად იმოქმედა სასწრაფოს ბრიგადამ, კლინიკაში გადაიყვანეს..
მარიშამ ძალიან ბევრი სისხლი დაკარგა, თავის ტვინის ტრავმული დაზიანება აღენიშნებოდა, ოპერაცია ჩაუტარდა.. უმძიმესი მდგომარეობა იყო, ოჯახი იმედს არ კარგავდა, თუმცა გუშინ მოხდა, რაც მოხდა.. 15 წლის იყო, საოცარი ხასიათის გოგო, უნიჭიერესი, ჩვენთან საკმაოდ წარმატებით მუშაობდა, არაერთ გადაღებაში იღებდა მონაწილეობას..“, – განუცხადა „ფორტუნას“ სააგენტოს „Geomodels Agency“ წარმომადგენელმა.
🔵 აგრეთვე დაგაინტერესებთ:
ვინ არის ვინ არის ქართველ-ებრაელი გოგო, რომელსაც ისრაელში ეძებენ
🔵რას ჰყვებიან ისრაელიდან სამშობლოში დაბრუნებული „გორდელას“ წევრები
🔵„მძიმე ღამეს ველოდებით, დააფასონ საქართველოში მშვიდობა“ - რას ამბობს ისრაელში მცხოვრები ქართველი
წყარო: fortuna.ge
