ცნობილი ბიზნესმენის გელა ბარკალაიას მიერ რამდენიმე დღის წინ სოციალური ქსელში ატვირთულმა ვიდეომ ინტერნეტი მოიცვა. გელამ შვილის, მათე ბარკალაიას ნიშნობა მისთვის განსაკუთრებულ ადგილას - სენაკში, მშობლიურ სოფელში, საკუთარი მშობლებისა და ბებიის საფლავზე აღნიშნა. ამბავს სოცქსელში არაერთგვაროვანი რეაქცია მოჰყვა, რომელსაც ცნობილი ადამიანებიც გამოეხმაურნენ, მათ შორისაა კომპოზიტორი მაიკო კაჭკაჭიშვილი.
„რატომ დასცინით გელა ბარკალაიას?
დედ-მამა ბებია და ბაბუა რომ უყვარს და პატივს სცემს მაგიტომ?
და მათთან ერთად რომ უნდოდა ბედნიერების გაზიარება მაგიტომ?
ნეტა მქონდეს საშუალება მეც სამოთხედ გადავაქცევდი ჩემი ბებიას და ბაბუას საფლავს და ყველაფერს სასიხარულოს მათთან ერთად გავიზიარებდი!
ყველაზე მეტად მიყვარს და მეყვარება ორივე.
მერე რა, რომ აღარ არიან ….“,- წერს მაიკო კაჭკაჭიშვილი.
