ფსიქოლოგი გიორგი ჩოგოვაძე სოციალურ ქსელში საკმაოდ აქტიურია. იგი ხშირად გვიზიარებს რეკომენდაციებს სხვადასხვა მნიშვნელოვან თემებზე.
ამჯერად მან მორიგი პოსტი გაავრცელა, სადაც მშობლებს სასარგებლო რჩევებს უზიარებს:
„როგორ აღზარდონ მშობლებმა საკუთარი თავები?
ყველაზე პირველი და მთავარი მისია მშობლისთვის არის საკუთარი თავის აღზრდა, რადგან ბავშვები სიტყვებს კი არა, მაგალითებს იმახსოვრებენ.
აი, რამდენიმე მიმართულება, როგორ „აღზარდონ“ მშობლებმა საკუთარი თავები:
მშობელმა უნდა ისწავლოს საკუთარი ემოციების მართვა. თუ ბავშვი ხედავს, რომ მშობელი გაბრაზების დროს არ ყვირის და ემოციებს თოკავს, ბავშვიც იმავეს იმახსოვრებს.
ზრდასრულობა ნიშნავს საკუთარ თავზე პასუხისმგებლობას. მშობელმა უნდა იცოდეს „არა“-ს თქმა, რომ ბავშვმაც ისწავლოს საზღვრების დაცვა.
მშობელი, რომელიც კითხულობს და სწავლობს, ბავშვს გადასცემს იდეას, რომ სწავლა არასდროს მთავრდება.
ჯანსაღი ცხოვრების წესი უნდა დაიცვა: კვება, ძილი, ფიზიკური აქტივობა – ეს შვილისთვის ირიბი მესიჯია.
საკუთარ ემოციურ საჭიროებებზე ზრუნვა ბავშვს ასწავლის, რომ თვითზრუნვა აუცილებელია.
ოჯახში პატივისცემით და მშვიდი ტონით საუბარი არის ყველაზე ძლიერი „აღმზრდელი“.
მშობელმა უნდა შეძლოს თქვას: „ბოდიში, არ ვიყავი მართალი“, თუნდაც ბავშვს მოუბოდიშოს“, - წერს გიორგი ჩიგოვაძე.
ასევე დაგაინტერესებთ:
⭕„ელოდეთ თითქოსდა დაკარგული ადამიანების გამოჩენას ბოდიშების მოხდით“ - რას ამბობს წინასწარმეტყველი
⭕„შენი ოცნების მეზობლის გოგო, ძველ თბილისში“ - ალექსანდრა პაიჭაძის ცეცხლოვანი ფოტოები
