„მთავარი არხის“ გენერალური დირექტორი ნიკა გვარამია სტრასბურგის სასამართლოს გადაწყვეტილებას ეხმაურება და იუსტიციის ყველა თანამშრომელს გამარჯვებას ულოცავს.
ამასთან, გვარამია ტრაგიკულს უწოდებს ფაქტს, რომ საქართველომ მხარი არ დაუჭირა უკრაინელი ბავშვების გენოციდის შესახებ ევროსაბჭოს რეზოლუციას
„ომი საქართველოს არ დაუწყია! ეპიზოდი მესამე.
ყველას გილოცავთ ამ ისტორიულ გამარჯვებას! განსაკუთრებით, იუსტიციის სამინისტროს ყველა იმ თანამშრომელს, ვინც დღეებს და ღამეებს ასწორებდა ამ შედეგის მისაღწევად, რომელი ხელისუფლების დროსაც არ უნდა ყოფილიყო ეს!
P.S სამარცხვინო და ტრაგიკულია, რომ საქართველოს მხარდაჭერა არ მიუღია უკრაინელი ბავშვების გენოციდის შესახებ ევროსაბჭოს რეზოლუციას! ჩვენი ხელისუფლება არა მარტო ეროვნულ ინტერესებს ღალატობს, არამედ საკაცობრიო იდეალებსაც!
ჩვენი ქვეყანა არაა სიკეთის მხარეს, ის ბოროტების ნაწილად აქციეს. მიკიბ-მოკიბვის გარეშე უნდა ითქვას, რომ თუ ჩვენ ამას ვეგუებით ან ამ რეალობას ვერ ვცვლით, არანაირ სტატუსს არ ვიმსახურებთ. ნურც თავს მოვიტყუებთ და ნურც ერთმანეთს მოვატყუებთ“, - წერს ნიკა გვარამია.
აგრეთვე დაგაინტერესებთ:
🔵ძაღლის ყოლისთვის შესაძლოა, სპეციალური გადასახადი დაწესდეს
🔵„ევროკავშირის ქვეყნები სავალდებულო დეკრეტულებს იღებენ კაცებისთვის, რომ ბავშვის ზრუნვაში ჩართონ“ - ბაია პატარაია
