ტელეკომპანია „იმედის“ ეთერში ბრიტანული შოუს ანალოგი „ვინ ვინ არის“ მეოთხე სეზონის ფინალური ტური გაიმართა.
მეგა შოუს გამარჯვებული გახდა კენგურუ, რომლის ნიღაბი გია ბაღაშვილს ჰქონდა მორგებული.
ფინალში ერთმანეთს ოთხი კონკურსანტი დაუპირისპირდა, რაც უპრეცედენტო შემთხვევა იყო.
მეგა შოუში მეორე ადგილი პანტერამ დაიკავა და მისი ნიღაბი აჩიკო სოლოღაშვილს ჰქონდა მორგებული, მესამე ადგილის მფლობელი მედუზა გახდა. მისი ნიღაბი კი თიკა ჯამბურიას ჰქონდა მორგებული, ხოლო მეოთხე ადგილი დაიკავა ფარაონმა, მისი ნიღაბი მორგებული ჰქონდა ზურაბ მანჯავიძეს.
თიკა ჯამბურია სოციალურ ქსელში პროექტის შესახებ მორიგ სტატუსს აქვეყნებს და აზიარებს იმ სიმღერას, რომელიც მან გორის ქალთა კამერულ გუნდთან ერთად შეასრულა.
როგორც თიკა წერს, ეს ნომერი ძალიან უყვარს და ეს მისი ოცნების ახდენა იყო.
„ვგიჟდები ისე მიყვარს ეს ნომერი.... მიყვარს ყველაფერი და ყველა რაც მედუზას უკავშირდება....
ეს იყო ჩემი ოცნებების ახდენა და განსაკუთრებულად მნიშვნელოვან დროს მოხდა ჩემი ამ შოუში მონაწილეობა, ოპერაციიდან რამდენიმე დღეში დამირეკეს და შემომთავაზეს მონაწილეობა... ხოდა, ხომ ხვდებით ამხელა სტრესის მერე რამდენად მნიშვნელოვანი და საჭირო იყო ჩემი და მედუზას შეხვედრა?“, - წერს თიკა ჯამბურია.
ცნობისთვის, რამდენიმე თვის წინ თიკა ჯამბურიამ სოციალურ ქსელში ფოტო გამოაქვეყნა, სადაც ჩანდა, რომ მომღერალი კლინიკაში იწვა. როგორც მაშინ ამბობდა, მკლავზე გადაუდებელი ოპერაცია დასჭირდა, თუმცა ამ თემაზე ვრცლად არ უსაუბრია, მოგვიანებით კი ყველაფერი გაამხილა.
აღმოჩნდა, რომ თიკას მოულოდნელად მელანომის (კანის სიმსივნის სახეობა) დიაგნოზი დაუსვეს და სასწრაფოდ ოპერაციული ჩარევა დასჭირდა, ახლა კი ყველაფერი კარგადაა.
⭕ ასევე დაგაინტერესებთ:
⭕„საუკეთესო წყვილი“ - თიკო ჩხეიძე ახალ კადრებს გვიზიარებს
⭕🌄🌊 მთა თუ ზღვა? - დიდი შვებულების დილემა! სად ვისვენებთ უკეთ და რატომ?
