პეტრე კოლხი {კვარაცხელია} სოციალურ ქსელში გავრცელებულ ვიდეომიმართვაში ამერიკის შეერთებულ შტატებში გატარებულ პერიოდსა და საქართველოში დაბრუნების მიზეზებზე საუბრობს. მისი თქმით, ემიგრაციაში ყოფნისას უმძიმესი გამოცდილება მიიღო და აშშ-ში წასვლის გადაწყვეტილებას ნანობს.
როგორც პეტრე კოლხი აღნიშნავს, მიუხედავად იმისა, რომ მას ყველა საჭირო საბუთი და ვიზა წესრიგში ჰქონდა, ადგილზე არსებულმა პირობებმა და მაღალმა გადასახადებმა მისი ფინანსური და ფიზიკური მდგომარეობა მნიშვნელოვნად დააზარალა.
„ამერიკა ჩემთვის არის მონობა. თუ ამერიკა მე თვეში მაძლევდა პირობითად ძალიან მიზერულ თანხას, იმის მეტი ჩემგან მიჰქონდა იქით, გადასახადებით, ჯარიმებით და ასე შემდეგ. ამერიკა არავის არაფერს არ აძლევს ისე, რომ იქით არ გადაუხადო.
იმის მიუხედავად, რომ ვიზაც მქონდა და საბუთები მწყობრში იყო, მე გავფუჭდი, მე გავნადგურდი, მე დავზარალდი, თვალს დამაკლდა, მე იქ არ შემხვედრია, არ გეწყინოთ, ძალიან გთხოვთ, არ შემხვედრია ქართველი ნორმალური და ჯანსაღი ფსიქიკის ადამიანი, იშვიათი გამონაკლისის გარდა. არ შემხვედრია, იმიტომ რომ ჯოჯოხეთურ შრომას გადიან. იმიტომ რომ მუდმივად დაძაბული ხარ. მაპატიეთ, მოხუცის უკანალიდან თავი არა აქვთ გამოყოფილი და რამდენი ბინა გაქვს საქართველოში რა მნიშვნელობა აქვს. თუ ფსიქიკა შეგერყა, თუ ვერასდროს ვერ დაბრუნდი და ბოლოს თუ ჩამოგასვენეს და იმ შენს ნაყიდ ბინაში თუ დაგასვენეს, ეს არის ჯოჯოხეთი, კატასტროფული სიბინძურე, ჰაერშიც კი გაუსაძლისი სუნი დგას. ამ სიბინძურეში, ამ მონობაში, ჩემი ადგილი არ იყო. ვიღაცისთვის ამერიკა არის თავისუფლების სიმბოლო. ეს ამერიკელებისთვისაც არ არის ასე. იმხელა გადასახადებია, იქ ყველაფერში ფულს იხდი, ვნანობ, რომ საერთოდ წავედი ამერიკაში“, - განაცხადა პეტრე კოლხმა.
