„როდის ხდება შფოთვა დაავადება და არა უბრალოდ ხასიათი?“ „ასეთი ხასიათი მაქვს“ - ეს ფრაზა ფსიქოლოგებს ძალიან ხშირად ესმით.
ადამიანები ამბობენ:
🔹 „ყოველთვის ყველაფერზე ვნერვიულობ“
🔹 „წინასწარ ყველაფერზე ცუდს ველოდები“
🔹 „მუდმივად დაძაბული ვარ“
🔹 „უბრალოდ ზედმეტად ფრთხილი ადამიანი ვარ“
და მართლაც, შფოთვა ადამიანის ბუნებრივი ემოციაა. ის გვეხმარება საფრთხის შემჩნევაში, გადაწყვეტილებების მიღებაში და სიფრთხილის შენარჩუნებაში, მაგრამ არსებობს მომენტი, როდესაც შფოთვა უბრალოდ ხასიათის თავისებურება აღარ არის, ის ყოველდღიური ცხოვრების მართვას იწყებს.
📌 მთავარი კითხვა ასეთია: შენ მართავ შფოთვას თუ შფოთვა მართავს შენს ცხოვრებას? თუ შფოთვის გამო:
▪️ გამუდმებით თავს არიდებ გარკვეულ სიტუაციებს
▪️ გადაწყვეტილებების მიღება ძალიან გიჭირს
▪️ მუდმივად გადაღლილი ხარ
▪️ ვერ ისვენებ მაშინაც კი, როცა საფრთხე არ არსებობს
▪️ ხშირად გაქვს ფიზიკური სიმპტომები (გულის აჩქარება, კუნთების დაჭიმულობა, სუნთქვის გაძნელება, კუჭ-ნაწლავის დისკომფორტი) მაშინ საქმე შესაძლოა მხოლოდ „ნერვიულ ხასიათს“ აღარ ეხებოდეს.
შფოთვითი აშლილობის დროს ტვინი ხშირად იქაც ხედავს საფრთხეს, სადაც რეალური საფრთხე არ არის. ნერვული სისტემა კი მუდმივად მზადყოფნის რეჟიმში რჩება. წარმოიდგინე, რომ შენს სახლში სახანძრო სიგნალიზაციაა დამონტაჟებული, მისი დანიშნულება ხანძრის დროს გაფრთხილებაა, მაგრამ თუ ის ყოველ დღე, ყოველ საათში ჩაირთვება მაშინაც კი, როცა ცეცხლი არსად არის, გარკვეული დროის შემდეგ ეს უკვე დაცვა აღარ იქნება, პრობლემად გადაიქცევა.
ზუსტად ასე მუშაობს პათოლოგიური შფოთვაც. ის აღარ რეაგირებს მხოლოდ საფრთხეზე. ის თავად ქმნის საფრთხის განცდას. ხშირად ადამიანები წლების განმავლობაში ცხოვრობენ ამ მდგომარეობით და ფიქრობენ: „ალბათ უბრალოდ ასეთი ვარ“ სინამდვილეში კი შესაძლოა მთელი ამ დროის განმავლობაში შფოთვით აშლილობასთან ცხოვრობდნენ.
📌 მნიშვნელოვანია გახსოვდეს: შფოთვა თავისთავად პრობლემა არ არის. პრობლემა იწყება მაშინ, როდესაც ის შენს ურთიერთობებს, ჯანმრთელობას, მუშაობას და ცხოვრების ხარისხს ზღუდავს. და კიდევ ერთი რამ: მუდმივი შფოთვა არ არის ხასიათის სიძლიერის ნიშანი. ეს არ ნიშნავს, რომ პასუხისმგებლიანი ან წინდახედული ხარ. ზოგჯერ ეს უბრალოდ ნიშანია, რომ შენი ნერვული სისტემა ძალიან დიდი ხანია გადაღლილია.
ასევე დაგაინტერესეთ:
🎥 „დამჩაგრა აი გურულმა“ - რა კადრებს აქვეყნებს მაკა ზამბახიძის ქმარი
⭕„სულ ფორმაში, შეუდარებელი...“ - ნინო ნადირაძის ახალ ფოტოებს დიდი გამოხმაურება მოჰყვა
