ქართული ლიტერატურის მკვლევარი, ფილოლოგიის დოქტორი და ესეისტი გია მურღულია სოციალურ ქსელში მორიგ საინტერესო, შთამაგონებელ და ცხოვრებისეულ პოსტს აქვეყნებს:
„სად უნდა ეძებო ბედნიერება - შენში თუ შენ გარეთ?
თუ უპასუხებ: „შენში“, გამოვა, რომ ღმერთს, სიყვარულსა და მეგობრობას სათანადოდ არ აფასებ.
თუ უპასუხებ: „შენ გარეთ", მაშინ ბედნიერების აღმქმელსა და შემგრძნობს დაკარგავ.
ალბათ კითხვა არასწორად არის დასმული - ბედნიერება კი არ უნდა ეძებო, არამედ შექმნა.
ასეთ სივრცეში ღმერთის ადგილიც არის, სიყვარულისაც, მეგობრობისაც და შენი თავისაც.
თან ის მშვენიერიც არის - ბედნიერებასაც ხომ უნდა ჰქონდეს თავისი ესთეტიკა?
ცხოვრება ბედნიერების შექმნის სიამოვნება, მოვალეობა და პასუხისმგებლობაა.
დანარჩენი ისეთი რომანის წაკითხვას ჰგავს, რომლის მიტოვებაც ყოველ ფურცელზე გინდა“, - წერს გია მურღულია.
