მამა გიორგი ბასილაძე 1933 წლის 30 აგვისტოს დაიბადა. დღეს იგი 92 წლის გახდებოდა.
საიუბილეო თარიღს სოციალურ ქსელში ასტროლოგი, ფსიქოლოგი გიორგი ლობჯანიძე გამოეხმაურა, რომელმაც გარდაცვლილი საეკლესიო მოღვაწე - არქიმანდრიტი, ბერი გაიხსენა:
„რამდენი იცნობდით ღირსეულ მოსაგრეს, ფეხით მოსიარულე - „მამა გიორგი ბასილაძეს?”.
დღეს მისი ამ ქვეყნად მოვლინების დღეა! შეეწიოს ქართველ ერს მისი ლოცვა!
ჯერ კიდევ მაშინ, როდესაც საქართველოში უფლის სიტყვის ხსენებაც კი დასჯადი იყო, იმ ავბედით კომუნისტურ დროში იტვირთა პილიგრიმობა და ქუთაისიდან თბილისში ფეხით 37-ჯერ ჩამოვიდა!
„სადაც დამიღამდებოდა იქ წამოვწვებოდი, ბაბუა, არ მეშინოდა არაფრის, არც ფული მქონდა და არც ვალი. დავდიოდი ასე და ვქადაგებდი უფლის სიტყვასო“.
„მშობელ დედაზე მაგინებელი ეშმაკეულია! ეს დასამახსოვრებელი ცოდვაა! დედის მაგინებელი არხეინად კი არ უნდა დადიოდეს, არამედ, მიწა უნდა ეცლებოდეს ფეხქვეშ!”.
„წმინდანობა არის განსაკუთრებული სულიერი მდგომარეობა. სულიერი ძალმოსილება და მადლმოსილება, რომელსაც ადამიანი ღმერთამდე პირადი გაღწევით აღწევს. წმინდანობა ადამიანს ევალება აქ, მიწაზე და არა ზეცაში!”.
„მართლმადიდებლობა ეს არის ღმერთის მიერ დადგენილი ცხოვრების წესი. ეს არის სიცოცხლე ღმერთში“.
„ძალა სიმრავლესა და ტანკებში როდია? ძალა - ჭეშმარიტებაშია!”/
სწორედ მან მიაწოდა წმინდა ბერ გაბრიელს ნავთი და ასანთი შუა რუსთაველზე, როდესაც დაწვეს ორმა წმინდანმა დიდი დემონის, ,,ლენინის” 12 მეტრიანი პლაკატი!
,,უყურეთ ღმერთსა, რა უყოს მტერსა!”.
მალევე დააშორეს ერთმანეთს მამა გიორგი და ბერი გაბრიელი ერთმანეთს. იცოდნენ კომუნისტებმა ეს ეკლესიისთვის დიდი ძალა იყო, ამიტომ ქუთაისში გადაიყვანეს იგი.
იმ დღიდან კი ფეხით დადიოდა კარდაკარ მთელ საქართველოში! ამიტომ შეარქვეს მას, ფეხით მოსიარულე!
იცნობდეთ! საქართველოს ასეთი წმინდანები ჰყავდა და დღესაც ბევრი ჰყავს! ამ ერს არ მოაკლდება უფლის მადლი, მიუხედავად იმისა, რომ დედამიწაზე ცხოვრება უკიდურესად რთულდება!
შეეწიოს წმინდა მამა გიორგი ბასილაძის ლოცვა საქართველოს და მთელ მსოფლიოს, გილოცავთ!
„ქართველობა ძნელია, მაგრამ აუცილებელი!”.
წმინდა მამა გიორგი ბასილაძე 92“, - წერს გიორგი ლობჯანიძე.
ასევე დაგაინტერესებთ:
⭕„ცხოვრების მეორე სასწაული, ჩემი ბედნიერება და სიხარული“ - გიორგი ძოწენიძის შვილი ერთი წლის გახდა
⭕„ეჰ, დამთავრდა ზაფხულის არდადეგები! დამლოცეთ“ - თეონა ცირამუა შვილების ფოტოებს აქვეყნებს
