ფილოლოგიის დოქტორი, მწერალი გია მურღულია სოციალურ ქსელში ემოციურ და ფილოსოფიურ ტექსტს აქვეყნებს, სადაც წერს რომ ნიჭიერება ყველაფრის გამართლება კი არა, ვალდებულებაა.
„წლებზე მეტად ასაკს აზროვნება განსაზღვრავს - ახალგაზრდა ის არის, ვისი ფიქრიც არასდროს ბერდება.
გამოცდილება არ არის გონიერების კომპენსაცია, თუმცა ეხმარება მას - სამყარომ შეიძლება ბევრი ოქრო გაპოვნინოს, მაგრამ საქმე რაოდენობა კი არა, მისი გამოყენების კულტურაა.
ნიჭიერება ყველაფრის გამართლება კი არა, ვალდებულებაა - ღმერთისგან ნაბოძები ჯილდო სიამოვნების გარდა პასუხისმგებლობაც არის.
პროცესი მნიშვნელოვანია, მაგრამ მას ღირსებას შედეგი სძენს: "საქმეთაგან განმართლდების კაცი".
იფიქრე, რომ იცხოვრო.
იცხოვრე, რომ შექმნა.
შექმენი, რომ დროსაც დაელაპარაკო და მარადისობასაც.
ორივეს ესაუბრე, რომ სიკეთემ იცოცხლოს.
აცოცხლე სიკეთე, რომ ადამიანი გერქვას“, - წერს გია მურღულია.
⭕ აგრეთვე დაგაინტერესებთ:
