მაკა ასათიანს, რომელიც სილამაზის ეტალონია, აღმოჩნდა, რომ თაყვანისმცემლები საზღვრებს გარეთაც ჰყავს.
ულამაზესი მაკა ასათიანი ყურადღების მიღმა რომ არც უცხოეთში რჩება, აქ გასაკვირი არაფერია. ისეთ ქალაქში, როგორიც კანია, მასშტაბური კინოფესტივალის წყალობით, ვარსკვლავთცვენა არავის უკვირს. არც ლამაზი სუსტი სქესის დანახვა აბნევთ. თუმცა, როგორც აღმოჩნდა მაკას, იქაც დიდი ფურორი მოუხდენია.
ასათიანის ახლო მეგობარი, ტელეკომპანია „მაესტროს“ ყოფილი გენერალური დირექტორი, ბაია გადაბაძე ჟურნალ „თბილისელებთან“ ერთ ისტორიას იხსენებს.
როდესაც ის და მაკა ასათიანი ტელეკომპანიისთვის ფილმების საყიდლად იყვნენ ჩასულები და სავახშმოდ ერთ-ერთ რესტორანში მაკასთან მივიდა მიმტანი, რომელმაც უთხრა, რომ მასთან წინა სუფრიდან მამაკაცს უნდოდა მისვლა და კომპლიმენტის თქმა.
„ყველამ კოტეს შევხედეთ. კოტემაც – არ ვიქნები წინააღმდეგი, თუ კომპლიმენტის თქმა უნდა, მე რა მაქვს საწინააღმდეგოო. ხანშიშესული მამაკაცი მოვიდა და დაიწყო ლაპარაკი, რომ მე, ჩემს ცხოვრებაში, მსგავსი სილამაზის არავინ მინახავს და მინდა ჩემი დიდი მოწონება გამოვხატოო – დაიღვარა კომპლიმენტებად, ლამის დაიჩოქა და ჩვენც ძალიან ამაყები ვიყავით“, - იხსენებს ბაია გადაბაძე.
კაცი, რომელმაც მაკა ასათიანი მეუღლის თანდასწრებით კომპლიმენტებით აავსო, საფეხბურთო კლუბ „ბარსელონას“ მფლობელი იყო.
მიუხედავად უამრავი ტრაგედიისა, მაკა ასათიანი შინაგან სილამაზეს არ კარგავს. მის მშვენებას დრო ვერ ცვლის, ვერც განვლილი ცხოვრება და უამრავი ტკივილი. ცნობილია, რომ მაკა ასათიანს წლების წინ ჯერ მამა – კახი ასათიანი მოუკლეს, მოგვიანებით კი მამაკაცი, რომელსაც მაკა ძალიან უყვარდა – დუდუ დადიანი. დუდუს, იგივე დავით დადიანს 90 -იანების პრინცსაც უწოდებდნენ. მაკას პირადმა ცხოვრებამ და შინაგანმა სამყარომ დიდი გარდატეხა განიცადა. საზოგადოება მის მუდამ შავ ჩაცმულობას სწორედ ცხოვრებისეულ განვლილ ეტაპებს უკავშირებს.
⚪აგრეთვე დაგაინტერესებთ:
🔵რა კავშირია დუდუ დადიანისა და კახი ასათიანის მკვლელობას შორის - აქამდე უცნობი ამბავი
🔵ტრაგედია ნიჟარაძეების ოჯახში და სკანდალებით მოცული სოფო ნიჟარაძის პირადი
