მაია ჯაბუა ჟურნალ „სარკის“ კითხვას პასუხობს, დაგეგმილი აქვს თუ არა კონცერტი და აღნიშნავს, რომ ბევრმა მისმა კოლეგამ იმ მიზეზით, რომ დიდი კონცერტები ჩვენს ქვეყანაში აღარ ტარდება, რესტორანსა და კლუბში გადაინაცვლა.
„ეს, ჩემი აზრით, არ არის კარგი, მაგრამ რას ვიზამთ, ყველა მომღერალმა გამოსავალი უნდა მოძებნოს. სამწუხაროდ, მათ სხვა შემოსავალი არა აქვს, ამიტომ უწევთ იქ გამოსვლა, სადაც მოთხოვნა არის.
მე არ მაქვს მოძებნილი გამოსავალი. სოლო კონცერტების ჩატარება კოლოსალურ თანხას უკავშირდება, ასე რომ ვერ ვახერხებ…“
რაც შეეხება მომღერლის პირად ცხოვრებას, მაია ჯაბუას ამ თემაზე საუბარი არ სურს:
„საერთოდ აღარ ვსაუბრობ პირად თემებზე. დიდად არც არასდროს მიყვარდა, ახლა – მით უმეტეს. არ არის საინტერესო სხვისი ოჯახის ამბების მოსმენა. ჯობია, ყველა საკუთარი ცხოვრებით დაინტერესდეს და დატკბეს საკუთარი ოჯახით…“
🔘აგრეთვე წაიკითხეთ:
🎥 სწყინს თუ არა თათა გიორგობიანს, როდესაც ბაბი კირკიტაძის სილამაზეს ადარებენ? - მომღერლის პასუხი
წყარო: sarkenews.ge
