შონ კომბსი თავის ტრავმით საავადმყოფოში გადაიყვანეს - რას წერს უცხოური მედია

„ჩვენთვის ცნობილია შონ კომბსთან დაკავშირებული გავრცელებული ინფორმაცია და ვცდილობთ, მომხდარის გარემოებები გავარკვიოთ. ახლა ჩვენთვის ყველაზე მთავარი მისი ჯანმრთელობა და მდგომარეობაა“, - განაცხადა რეპერის წარმომადგენელმა გამოცემა Variety-სთან.

მანამდე ტელეკომპანია NBC იუწყებოდა, რომ P Diddy ნიუ-ჯერსის ციხეში პრივილეგირებული პირობებით სარგებლობს, რის შემდეგაც ის იზოლატორში გადაიყვანეს.

ცნობისთვის, 2025 წლის 3 ოქტომბერს სასამართლომ კომბსს პროსტიტუციაში ჩაბმის მიზნით ადამიანების გადაყვანის საქმეზე 4 წლითა და 2 თვით თავისუფლების აღკვეთა და 500 000 აშშ დოლარის ოდენობით ჯარიმა მიუსაჯა. ამასთან, პროკურორები რეპერისთვის 11-წლიან პატიმრობას ითხოვდნენ.

რეპერის სავარაუდო გათავისუფლების თარიღი რამდენჯერმე შეიცვალა: თავდაპირველად, მან 2028 წლის ივნისიდან აპრილამდე, შემდეგ კი იმავე წლის იანვრამდე გადაიწია. ციხეში არსებულ პრივილეგიებთან დაკავშირებული სკანდალის შემდეგ კი გათავისუფლების თარიღი კიდევ უფრო შეიცვალა და 2028 წლის 2 მარტით განისაზღვრა.

ასევე დაგაინტერესებთ:

⭕რუსთავში, კორპუსის მესამე სართულიდან 12 წლის მოზარდი გადავარდა

⭕წვიმა და ელჭექი - როგორი ამინდია მოსალოდნელი საქართველოში უახლოეს დღეებში

⭕სანამ იტყვი: „ჩემი შვილი ამას არ გააკეთებდა!“, გაჩერდი და დაფიქრდი! - მნიშვნელოვანი რეკომენდაციები მშობლებს!