ცნობილი ქართველი მომღერალი და ტელეწამყვანი მარიკა თხელიძე აქტიურად აგრძელებს მუსიკალურ კარიერას. რამდენიმეწლიანი პაუზის შემდეგ, რაც დაკავშირებული იყო ხმის პრობლემებთან და ყელის ოპერაციასთან, თხელიძე აცხადებს, რომ საბოლოოდ დაუბრუნდა საკუთარ თავს - როგორც ეკრანზე, ისე სცენაზე. მისი თქმით, მომღერლობა მისთვის კვლავ მთავარი პროფესიაა, თუმცა დიასახლისობა და დედობა მის ყოველდღიურობაში უდიდეს როლს თამაშობს.
მარიკა ბოლო წლებში ოჯახთან ერთად ცხოვრობდა ბათუმში, თუმცა 2024 წელს საცხოვრებლად თბილისში გადმოვიდა, სადაც მეუღლესთან, გიორგი მანველიძესთან და შვილებთან ერთად ახალ ეტაპი დაიწყო.
ერთ-ერთ ინტერვიუში მომღერალი დედობის ემოციებზე ჰყვებოდა:
„პირველად დედა რომ გავხდი და ნიკუშა დაიბადა, უბედნიერესი ვიყავი. ახლა უკვე ორი შვილის დედა ვარ – ვივიენმა დედობის სიხარული და ბედნიერება გამიორმაგა. დედის როლი ძალიან საპასუხისმგებლოა. ნიკუშა რომ გავაჩინე, 27 წლის ვიყავი, კულტურის სამინისტროში ვმუშაობდი, თან, ბენდთან ერთად ვმღეროდი და სულ იმას ვდარდობ, ის დრო რომ ნიკუშას გვერდით არ ვიყავი. ახლა არ ვმუშაობ, დიდ დროს ოჯახში ვატარებ და ვიგრძენი, რომ დიასახლისობა ყოფილა ყველაზე რთული პროფესია (იცინის). ახლა ყოველდღიურად ვანაზღაურებ იმ დაკარგულ წუთებს, როცა ნიკუშასთან არ ვიყავი და აქტიურად ვარ მის ცხოვრებაში ჩართული. „ფეთიან“ დედასაც კი მეძახიან. ვივიენიც მე თავად გავზარდე, არ მყოლია ძიძა. ამის გამო ბევრჯერ მითქვამს უარი სადმე წასვლაზე. მიწევს რაღაცებზე უარის თქმა, რადგან ჩემს შვილებს ყველაზე მეტად ახლა ვჭირდები. ახლანდელი ბავშვები სხვა თაობაა, სხვანაირი მიდგომა სჭირდებათ“.
აღსანიშნავია, რომ მარიკა თხელიძე სოციალურ ქსელში საკმაოდ აქტიურია და ხშირად გვიზიარებს ცხოვრების მომენტებს - საინტერესოა, როგორ გამოიყურება დღეს მომღერალი, რომელიც 90-იანი წლების საქართველოში ერთ-ერთი პოპულარული ბავშვი იყო:
