2010 წლის 22 ივლისს მთელი საქართველო შეძრა და დაამწუხრა მუცოს ხეობაში დატრიალებულმა ტრაგედიამ - „ჯიპის" მარკის ავტომობილი, სადაც 10 ადამიანი იჯდა, გზიდან გადავარდა, ავტოკატასტროფამ 7 ადამიანის, მათ შორის - 3 მცირეწლოვანი ბავშვის სიცოცხლე იმსხვერპლა.
დაიღუპნენ პოეტ გელა დაიაურის მეუღლე, ნიჭიერი მომღერალი და პოეტი თეონა ქუმსიაშვილი და მისი ორი ვაჟი - დემეტრე და ჯარჯი, თეონას და - ნათია, გელა დაიაურის მეჯვარე ბერდია არაბული, მისი მეუღლე სოფო ღოღობერიძე და მათი ვაჟი - მამუკა. საუბედუროდ, დემეტრე დაიაური და მამუკა არაბული ადიდებულმა მდინარე არღუნმა გაიტაცა ვერ იპოვნეს. თვითონ გელა დაიაური, თეონას ძმა თორნიკე ქუმსიაშვილი და დაიაურებისა და არაბულების მეგობარი თეონა ჭინჭარაული გადარჩნენ.
ამ მძიმე ტრაგედიიდან გელა დაიაურმა მაინც შეძლო მრავალი წლის შემდეგ ახალი ცხოვრება დაეწყო და თუ
როგორია მისი ცხოვრება ახლა „პოსტალიონის“ ეთერში საუბრობს.
„ამ ქვეყანაზე რახან დაგტოვა უფალმა ჯობია, რომ უფალსაც არ აწყენინო იმ საჩუქრისთვის, რასაც სიცოცხლე ჰქვია და გააგრძელო არა გლოვაში, არამედ სიკეთის კეთებაში, მეგობრებთან ურთიერთობაში და სიცოცხელში.
დავოჯახდი ქართლელ გოგონაზე, ეკა მანჩხაშვილზე. რთული კი არა ძალიან რთული იყო, ცხოვრებაში ასეთი სირთულე, ალბათ იმ ამბის მერე აღარ შეგვხვედრია იმიტომ, რომ ბევრ რამეზე ფიქრობ…
არის ერთი მომენტი, რომ არ უნდა მოატყუო ადამიანი. ჯერ საკუთარ თავში გიწევს დარწმუნება და დაჯერება ამ ყველაფრის, რათა წრფელი და სუფთა იყო ადამიანთან“ - ამბობს გელა დაიაური.
ასევე დაგაინტერესებთ:
შეხვედრა 84 წლის შემდეგ - ელდარ შენგელაიას და ლეო ანთაძის ემოციური დაბრუნება სკოლაში
🔵8-წლიანი თანაცხოვრება, მდიდრული სახლი, მეუღლე და შვილები - ნიკოლოზ წულუკიძის პირადი
