„დაიჯესტის“ ბლიც-ინტერვიუს სტუმარია პოლიტიკოსი გიორგი გუგავა.
- რითი ხართ ცნობილი?
- ალბათ, უფრო ჩემი პოლიტიკური საქმიანობით. აბა, სხვა განსაკუთრბული, ლიტერატურული ან სპორტული ნიჭი და მიდრეკილება არ გამომივლენია.
- ჩათვალეთ, ვარ ადამიანი, რომელმაც საერთოდ არ იცის, რა არის საქართველო. რას მეტყოდით ბოლო 10 წელიწადში მიმდინარე მოვლენების შესახებ?
- გეტყოდით, რომ ამ პერიოდში იყო ოლიგარქიული მმართველობის მახინჯი გამოვლინებები - ამ 10 წელს „ოლიგარქიულ ღამეს“ ვუწოდებდი.
- თქვენი აზრით, ივანიშვილი მართლა წავიდა?
-პოლიტიკიდან ასე არ მიდიან, სანამ მისი ხედვითა და „ნარჩენებით“ იმართება მახინჯი, კრიმინალური სისტემა მანამდე, ის არსად არ არის წასული.
- 90-იანებიდან ყველაზე მეტად რისი გახსენება გთრგუნავთ?
- 90-იანებიში ძლინ პატარ ვიყავი, მაგრამ ღრმად მაქვს ჩაბეჭდილი უპურობა, უშუქობა და ქაოსი, რომელიც ქვეყანაში სუფევდა.
- ვთქვათ, მოგიყვანეს ძროხა, რომლის არც გაჩუქების უფლება გაქვს და არც გაყიდის. რას გააკეთებდი მასთან ერთად?
- ვიქნებოდი კომბლე, რომელსაც ეყოლებოდა ჭრელა. მას უბრალოდ მოვუვლიდი.
- რაზე ფიქრობთ, როცა მანქანაში მარტო ზიხართ?
- ვფქრობ, რომ სწორად ვიმოძრაო.
- თუ მანქანა გაჩერებულია?
- ზოგადად ადმიანი ფიქრისთვისაა გაჩენილი. ეს მუდმივი პროცესია, მაგრამ განსაკუთრებული „სამანქანო ფიქრები“ ნამდვილად არ მაქვს.
- რა არის ბოლო საჩუქარი, რაც სხვა გაუკეთე?
- მოგეხსენაბათ, შობა-ახალი წელი ახლახან იყო, რაიმე განსაკუთრებული საჩუქარი არავისთვის გამიკეთებია. ძირითადად, ტკბილეულით შემოვიფარგე, ახლობლებსა და ოჯახის წევრებს მივართვი.
- საუკეთესო რჩევა, რომელიც ცხოვრებაში მიგიღია და ვისგან?
- კონკრეტულს ვერაფერს დავასახელებ, მაგრამ მშობლების რჩევას განსაკუთრებული ადგილი უჭირავს ჩემს ცხოვრებაში. აგრეთვე, ნებისმიერი ადამიანის უბრალო ნათქვამი შესაძლოა, რჩევად გამოდგეს და მისგან ბევრიც ისწავლო.
- არჩევანი რომ გქონდეთ, რომელ სუპერძალას აირჩევდით?
- ადამიანს მხოლოდ საკუთარი თავის უნდა სჯეროდეს. საკუთარი თავის რწმენას უდიდესი ძალა აქვს.
- მონადირე ხართ თუ შემგროვებელი?
- ალბათ უფრო შემგროვებელი ვარ, რადგან მტაცებლური ინსტიქტებით არ გამოვირჩევი.
- მობილური აპლიკაცია რომ იყოთ, რომელი იქნებოდით და რატომ?
- ხუმრობით გეტყვით - ვიქნებოდი აპლიკაცია „გუგავა მოვა“.
- როგორ აუხსნიდით ბრმა ადამიანს ყვითელ ფერს?
- მას სევდას შევადარებდი და ამ განწყობით შევეცდებოდი, ეს ფერი დამენახებინა მისთვის.
- რას ურჩევთ შემდეგ თაობას?
- კრიტიკული აზროვნების უნარების გამომუშავებას, განათლებას და საკუთარი თავის ძიებას. ვფიქრობ, ამ სამ რამეს ადამიანის სრულყოფილებამდე მიყვანა შეუძლია.
აგრეთვე დაგაინტერესებთ:
ვინ არიან გიგი უგულავას ყოფილი ცოლები და აპირებდა თუ არა ის გია ბარამიძის ყოფილ ცოლზე დაქორწინებას?
