ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი, კორონავირუსის სამკურნალო პრეპარატთან დაკავშირებით სოციალურ ქსელში წერს, რომელიც ამჯერად დიდმა ბრიტანეთმა დაამტკიცა.
მისი თქმით, პრეპარატი „რონაპრევი“ სხვა დიდ ქვეყნებში უკვე აღიარებულია.
„ამ დილით გაერთიანებული სამეფოს ჯანდაცვის მარეგულირებელმა განაცხადა რომ მან დაამტკიცა პრეპარატი რონაპრევი, (როშისა და რეგენერონის მიერ შექმნილი ანტისხეული), Covid 19–ის პრევენციისა და მკურნალობის მიზნით.
მედიცინისა და ჯანდაცვის პროდუქტების მარეგულირებელი სააგენტო (MHRA) აცხადებს, რომ ეს არის პირველი პრეპარატი დამტკიცებული გაერთიანებულ სამეფოში კორონავირუსით გამოწვეული დაავადების მონოკლონური ანტისხეულების საშუალებით სამკურნალოდ.
ივლისში იაპონია გახდა პირველი ქვეყანა, რომელმაც ამ პრეპარატის ლიცენზირება მოახდინა, რომლის ლაბორატორიულმა კვლევამ დაადგინა, რომ ჰოსპიტალიზაცია ან სიკვდილიანობა შემცირდა 70%-ით და სიმპტომების პერიოდი შემცირდა ოთხი დღით.
სხვა ქვეყნებმაც მიჰბაძეს და რონაპრევი ახლა ლიცენზირებულია ისეთ ქვეყნებში, როგორიცაა აშშ, ინდოეთი, შვეიცარია, კანადა და ევროკავშირი.
ცოტა უფრო დეტალურად Ronapreve-ზე
მედიცინისა და ჯანდაცვის პროდუქტების მარეგულირებელი სააგენტო (MHRA) აცხადებს, რომ პრეპარატი რონაპრევი ხელს შეუწყობს ინფექციის თავიდან აცილებას, დაეხმარება მძიმე COVID-19 ინფექციის სიმპტომების მოგვარებაში და ამცირებს ჰოსპიტალიზაციის შანსებს. ეს მკურნალობა იქნება ჩვენი იარაღის მნიშვნელოვანი დამატება Covid 19– ის დასაძლევად“, - თქვა ჯანდაცვის მდივანმა, საჯიდ ჯავიდმა.
„რონაპრევის“ მიღება შესაძლებელია ინექციის ან ინფუზიის გზით. ის მჭიდროდ ეკვრის კორონავირუსს სასუნთქი სისტემის ლორწოვან გარსში და ხელს უშლის მას სასუნთქი სისტემის უჯრედებზე წვდომის მიღებაში, ნათქვამია MHRA–ში.
რონაპრევი მიეკუთვნება წამლების კლასს, რომელსაც ეწოდება მონოკლონური ანტისხეულები, რომლებიც მსგავსია სხეულის მიერ წარმოქმნილ ბუნებრივ ანტისხეულებისა“, - აღნიშნავს ზაზა წერეთელი.
ასევე დაგაინტერესებთ👇
🔵„დაფიქრდით რას სჩადით!... არ შეიძლება ექიმად იწოდებოდეს" - ვის მიმართავს თამარ ჟამურაშვილი
🔵„რა დალევს გულისხმიერ ადამიანებს... ეს საქართველოა" - ნახეთ, რა შეემთხვა მაცაცო კვინიკაძეს
