დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, სასურველია რომ ადამიანები გარეთ სიარულს მოერიდნონ.
„ნაკლები იყოს გარეთ სიარული და სლოგანი „დარჩით სახლში“ ისევ ავამოქმედოთ და ავამუშაოთ, უპირატესად რა თქმა უნდა, ამ ეტაპზე აჭარაში. თხოვნაა განსაკუთრებით აჭარაში, ხანდაზმულები დარჩნენ სახლში და ნაკლებად იარონ გარეთ, რომ ნაკლებად მოხდეს მათზე გადადება. მათ კიდევ ერთხელ მოვუწოდებ, თუ განსაკუთრებული აუცილებლობა არ არის, ნაკლები იყოს გარეთ სიარული და კონტაქტი“,- აცხადებს ამირან გამყრელიძე.
ცნობისთვის, დღეს 28 სექტემბერს საქართველოში კორონავირუსის 298 ახალი შემთხვევა გამოვლინდა. გამოჯანმრთელდა 148 ადამიანი და გარდაიცვალა 3 მოქალაქე.
