მეან-გინეკოლოგმა ვერიკო ბაზიარმა კოვიდ-19-ის სახლის პირობებში მართვის რჩევებზე საპატრიარქოს ტელევიზიაში საუბრობს. მისი თქმით, კოვიდით ძირითადად იღუპებიან ის ადამიანები, ვისაც აქვს პარადოქსული შიში.
„მთავარია, ადამიანს შიში არ უნდა გაუჩნდეს. ადამიანმა ემოციის მართვა უნდა ისწავლოს. ძირითადად ის ადამიანები, იღუპებიან ვისაც პარადოქსული შიში აქვს. ეს ძალიან წამყვანი მომენტია. ჯერჯერობით ერთი რამ არის ცნობილი, რაზედაც ყველა თანხმდება, C ვიტამინი, D ვიტამინი და ცინკი, ეს სამი რამ არის, რაც უნდა მიიღოს ადამიანმა. თუ ადამიანი ცინკს დროულად, კარგი დოზირებით იყენებს, გემოვნებისა და ყნოსვის აღდგენაში ეხმარება.
რაც შეეხება ტემპერატურის რეგულირებას, როგორც ექიმი ამბობს, თუ სიცხე ტემპერატურის დამწევს ემორჩილება, ზედმეტი შფოთვა საჭირო არ არის.
„ბებიის რეცეპტებით, მაგალითად, ჯინჯერით ვერ მიიღებ იმდენ C ვიტამინს, რამდენიც საჭიროა. სითხის მიღებისთვის, ციტრუსის გამოყენებით ჩაის სხვადასხვა სახეობის მიღება, რასაკვირველია, შეიძლება. სიცხის მატება, რომელიც ემორჩილება პარაცეტამოლს და შესაძლოა, დაიწიოს, უნდა მიიღო მშვიდად, იმიტომ, რომ ამ დროს შენი ორგანიზმი იბრძვის ვირუსის საწინააღმდეგოდ. არიქა, ორმოცამდე ადის სიცხე და ანტიბიოტიკის მიღება დაიწყოს ადამიანმა, ეს არ შეიძლება.“
„თუ ასე გაივლი ამას, ჟანგბადს ისუნთქებ, ივარჯიშებ, კარგია. არ შეიძლება ჩაუწვე და იკვნესო ადამიანმა. შენს თავს უნდა გადააბიჯო და ბუქნები მაინც გააკეთო. ბუშტს თუ ვერ ბერავ, წყალში ბუშტები გაუშვი და ამით ავარჯიშე შენი ფილტვები. ეს არის ელემენტარული რჩევები, რომლითაც ძალიან მშვიდად შეიძლება გაიარო კოვიდის 12 - დღიანი პერიოდი და ისე დამთავრდეს, რომ ვერც კი გაიგო,“- განაცხადა ვერიკო ბაზიარმა.
აგრეთვე დაგაინტერესებთ:
🔵მიხეილ ცაგარელის 3 დეკემბრის ასტროლოგიური პროგნოზი
🔵ბუნებრივი იმუნიტეტი უფრო იცავს ჰოსპიტალიზაციისგან ადამიანს თუ ვაქცინაცია? - კულუმბეგოვის განმარტება
წყარო: fortuna.ge
