ჯანდაცვის უწყების მონაცემებზე დაყრდნობით, მთავრობის ადმინისტრაცია ავრცელებს ინფორმაციას იმ პაციენტების საერთო რაოდენობის შესახებ, ვინც კოვიდკლინიკებში მკურნალობს.
მთავრობის ადმინისტრაციის განცხადებით, ქვეყნის მასსტაბით არსებულ კლინიკებში კორონავირუსით ინფიცირებული 2 200-მდე პაციენტი მკურნალობს.
რაც შეეხება დანარჩენ 4 027 ინფიცირებულს, ისინი მკურნალობას საკუთარ სახლში გადიან (დაავადებათა კონტროლის ეროვნული ცენტრის ხელმძღვანელის დღევანდელი განცხადებით საქართველოში აქტიური ქეისი არის 6 227).
„ჯანდაცვის უწყების მონაცემებით, დღევანდელი მდგომარეობით საქართველოს მასშტაბით არსებულ კლინიკებში კორონავირუსით ინფიცირებული 2200-მდე პაციენტი მკურნალობს, რომელთა მკურნალობა თენგიზ ცერცვაძის ხელმძღვანელობით მოქმედი კლინიკური ჯგუფის ზედამხედველობით მიმდინარეობს. რეანიმაციული საჭიროებების მქონე პაციენტების მკურნალობა კი სპეციალურად შექმნილი რეანიმატოლოგების ჯგუფის მეთვალყურეობით ხორციელდება“, – წერია მთავრობის ადმინისტრაციის გვერდზე.
ცნობისთვის, დღეს 14 ოქტომბერს საქართველოში კორონავირუსის 680 ახალი შემთხვევა განოვლინდა. გამოჯანმრთელდა 292 ადამიანი ხოლო გარდაიცვალა 7 მოქალაქე.
