რას გვირჩევენ ვარსკვლავები 31 აგვისტოსთვის ჯანმრთელობის, ბიზნესის და სიყვარულის მიმართულებით?
ვერძი
წინააღმდეგობრივი დღეა. მიუხედავად იმისა, რომ თქვენი სასიცოცხლო პოტენციალი მაღალია, ბიზნესში აქტიურობას, რჩევების მიცემას და მიღებას უნდა მოერიდოთ. საბუთების გაფორმების, სწავლისა და სწავლების დროს მოსალოდნელია სირთულეები. განსაკუთრებული სიფრთხილე მომსახურების სფეროს მუშაკებმა უნდა გამოიჩინონ. გახსოვდეთ, რომ იღბალმა ზურგი შეიძლება, ნებისმიერ დროს გაქციოთ. დღის მეორე ნახევარში მოსალოდნელია საინტერესო შეთავაზება, რომელიც მნიშვნელოვან მოგებას მოგიტანთ. ეცადეთ, საღამო სახლში გაატაროთ.
კურო
პირად ცხოვრებაში წარმატება გელით, მაგრამ მატერიალური საკითხების მოგვარება ადვილი არ იქნება. სავარაუდოდ, სიტუაციას არასწორად აფასებთ, ამიტომ ყურადღებით უნდა მიმოიხედოთ და ობიექტური დასკვნები გამოიტანოთ. თავი შეიკავეთ ყველაფრისგან, რამაც შეიძლება, ორგანიზმს ზიანი მიაყენოს. განსაკუთრებით, ალკოჰოლს და სიგარეტს ერიდეთ.
ტყუპები
არახელსაყრელი დღეა. სასიცოცხლო პოტენციალი მცირდება, რამაც შეიძლება, ქრონიკული დაავადებების გამწვავება გამოიწვიოს. ეცადეთ, ამ დღეს თავი შეიკავოთ ყველაფრისგან, რამაც შეიძლება, თქვენს ჯანმრთელობას ზიანი მიაყენოს. განსაკუთრებით ავტომობილის სწრაფად მართვას და საჭრელ ხელსაწყოებთან მუშაობას ერიდეთ. პირად საქმეებში მოსალოდნელია წარმატება, მაგრამ მატერიალური საკითხების მოგვარება ადვილი არ იქნება. დაბალმა თვითშეფასებამ ან პარტნიორთან დაკავშირებულმა ილუზიებმა, შეიძლება ფინანსური ზარალი მოგიტანოთ.
კირჩხიბი
ამ დღეს მატერიალური საკითხების მოგვარება რთული იქნება. ეცადეთ, ყურადღება საკუთარი სულიერი განცდებიდან გარშემო მყოფ ადამიანებზე გადაიტანოთ. ახლობელი ადამიანები თქვენს დახმარებას ელიან.
ლომი
საყოფაცხოვრებო პრობლემა დაუყოვნებლივ გადაწყვეტას მოითხოვს. მეგობრებთან შეხვედრამ შეიძლება, გაუგებრობები ან დაღლილობა გამოიწვიოს. გამორიცხული არ არის ჯანმრთელობასთან დაკავშირებული პრობლემები ან ნათესავებთან კონფლიქტი. ეცადეთ, ბუნებაში მეტი დრო გაატაროთ. რომანტიკული შეხვედრა ან საყვარელ ადამიანთან ურთიერთობა შვებას და სიხარულს მოგანიჭებთ.
ქალწული
ხელსაყრელი დღეა. თქვენი სასიცოცხლო პოტენციალი იზრდება. ვარსკვლავები მზად არიან, ყველაზე ამბიციური გეგმებისა და მიზნების მიღწევაში დაგეხმარონ. სასიხარულო სიახლე ან საინტერესო შემოთავაზება მნიშვნელოვან მოგებას მოგიტანთ. ქალწულ ქალებს ქმრის ან ახლო მეგობრისგან საჩუქარი ელით. დღის მეორე ნახევარში მსუბუქი დეპრესია და უმიზეზო სევდა გელით, ამიტომ ეცადეთ, საღამო სახლში გაატაროთ.
სასწორი
ტყუილებისა და ილუზიების დღეა, განსაკუთრებით - შემოქმედებითი პროფესიის წარმომადგენლებისთვის. მოგებიანი შემოთავაზება გელით, მაგრამ გადაწყვეტილების დროულად მიღება გაგიჭირდებათ. შეგიძლიათ, ნებისმიერ საქმეს შეეჭიდოთ, რადგან უახლოეს მომავალში წარმატებას მიაღწევთ. ეცადეთ, ემოციები აკონტროლოთ. უსაფუძვლო ოპტიმიზმმა შეიძლება, თქვენი პრაქტიკული თვისებები დაჩრდილოს.
მორიელი
წინააღმდეგობრივი დღეა. დღის პირველი ნახევარი ფინანსურ პრობლემებს უკავშირდება. ახლა ყველაზე მნიშვნელოვანია მთავარზე კონცენტრირება და ჩანაფიქრის განხორციელება. თქვენ შეძლებთ, განახლების სურვილი და გონივრული ხედვა ერთმანეთს დაუკავშიროთ, რაც დღის მეორე ნახევარში მატერიალურ წარმატებას მოგიტანთ.
მშვილდოსანი
ხელსაყრელი დღეა ვარჯიშის, სუფთა ჰაერზე დასვენების, მშენებლობისა და რემონტისთვის. კომერციული საქმიანობა მოგებას მოგიტანთ. შესაძლებელია, საინტერესო ადამიანს შეხვდეთ, რომელიც გარკვეული დროით სერიოზულად გაგიტაცებთ.
თხის რქა
სასიხარულო ამბავი ან საინტერესო შემოთავაზება მნიშვნელოვან მოგებას მოიტანს. სავარაუდოდ, ქალებს ქმრის ან ახლო მეგობრისგან საჩუქარი ელით. ვარსკვლავები სასიყვარულო პრობლემების წარმატებით გადაჭრას გპირდებიან. ეცადეთ, ინიციატივა ხელიდან არ გაუშვათ.
მერწყული
ეს დღე სულიერი წონასწორობის სიმბოლოა. პარტნიორებს შორის ჰარმონიული ურთიერთობა ოჯახურ სიტუაციაზე დადებით გავლენას მოახდენს. გვერდით მყოფ ადამიანს თქვენი ყურადღება და სიყვარულის აკლია. დღის მეორე ნახევარში მოსალოდნელია უმიზეზო სევდა ან მსუბუქი დეპრესია, რომელიც მალე გაივლის.
თევზები
ამ დღეს თქვენი გრძნობები უჩვეულო სიმკვეთრეს შეიძენს. გირჩევთ, ოჯახური საქმეები სხვა დროისთვის გადადოთ და საყვარელი საქმით დაკავდეთ, რაც შექმნილი დაძაბულობისგან გაგათავისუფლებთ. თუ თქვენ ცვლილებებისკენ ისწრაფვით, ამისთვის ხელსაყრელი დროა, თუმცა მთავარ შედეგებს ცოტა მოგვიანებით მიიღებთ. ეცადეთ, საღამო ბავშვებთან ერთად გაატაროთ.
ასევე დაგაინტერესებთ👇
🔵უცნობი ისტორია ზვიადაურზე, რომელიც აქამდე არავის სმენია
🔵გადადის თუ არა ვაქცინის შემადგენელი კომპონენტები ნაყოფზე და ჩვილზე - კულუმბეგოვის განმარტებები
🔵VIDEO: ნახეთ, როგორ იცეკვა ხათუნა ჟორდანიამ გამოჯანმრთელების შემდეგ
