გაიგეთ, თუ რა უნდა იცოდეთ და რას უნდა ელოდოთ, თუ თქვენი ხელმძღვანელი ზოდიაქოს ამა თუ იმ ნიშნის წარმომადგენელია. ასტროლოგებმა ზოდიაქოს ნიშნების მიხედვით ხელმძღვანელების ტიპური ქცევები გააანალიზეს და მათი ზოგადი დახასიათება შეადგინეს.
ვერძი
ვერძ ხელმძღვანელს აქტიური ცხოვრებისეული პოზიცია უკავია, არის ინიციატივიანი და შრომისმოყვარე. მისი სუსტი ადგილია ზედმეტი პერფექციონიზმი - ყოველთვის არ შეუძლია მის ხელქვეითებს შესაძლებლობების ზღვარზე მუშაობა. მაგრამ თუ გუნდი მისნაირი დაუღალავი ენთუზიასტებით არის დაკომპლკექტებული, კომპანიას აუცილებლად ელოდება წარმატება.
კურო
კურო ხელმძღვანელი - ეს „ადამიანი კონტროლია": ჩანიშნული სტრატეგიის მკაფიო დაცვა, დისციპლინა, დეტალებისადმი ყურადღება და ამასვე მოითხოვს ის პერსონალისგან. სწორედ ამაში იმალება მისი, როგორც ხელმძღვანელის სისუსტე - არასტანდარტულ ვითარებებში, როცა რამე გეგმის მიხედვით არ მიდის, მოქნილობის არარსებობის გამო, საქმე ჭიანურდება.
ტყუპი
ტყუპი-ბოსი თანამედროვე, დემოკრატიული ხელმძღვანელია, რომელიც ხელქვეითებს მოქმედებების თავისუფლებას აძლევს. მაგრამ ეს არ იწვევს ქაოსს, რადგან გამჭრიახ ტყუპს „ზარმაცი" თანამშრომელი არ გამოეპარება. მისი სისუსტეა ის, რომ უყვარს რაც შეიძლება მეტი დავალება მისცეს ხელქვეითებს. კომპანიისთვის მეტი სარგებლის მოტანის სურვილი გულმოდგინე მშრომელ ადამიანს, შესაძლოა, ტოტალური გადატვირთვით შემოუბრუნდეს.
კირჩხიბი
კირჩხიბი კარგად ერკვევა ადამიანებში. შეუძლია მაშინვე შენიშნოს დაძაბული ვითარება სამუშაო სივრცეში და შესაბამისი ზომები მიიღოს. მაგალითად, მოაწყოს კორპორაციული ღონისძიება. პერსონალმა რასაც ყურადღება უნდა მიაქციოს, ისაა, რომ კირჩხიბს საუკეთესო მეხსიერება აქვს და კარგად იმახსოვრებს როგორც სიკეთეს, ისე ბოროტებას. და თუ ხელქვეითის რეპუტაცია შეილახა, მას გაასმაგებული მეთვალყურეობა ელოდება.
ლომი
ლომი ძლიერი, ძალაუფლების მოყვარულია და სირთულეების არ ეშინია. მას შეუძლია კარგად მართოს და გულუხვად დააჯილდოვოს ხელქვეითები კარგად შესრულებული სამუშაოსთვის. მაგრამ ლომს მხოლოდ მოკრძალებული მუშაკები უყვარს, ხოლო ამბიციურ თანამშრომელს პოტენციურ მეტოქედ მიიჩნევს და ცდილობს, ის „ადგილზე მოსვას".
ქალწული
ქალწული ტიპური კონსერვატორია. მას სურს, გუნდში დაინახოს პუნქტუალური, შემსრულებელი და პროგნოზირებადი თანამშრომლები. წესრიგის შენარჩუნებისკენ სწრაფვა ფარულ ნერვოზულობას იწვევს. ამიტომ კრიტიკულ სიტუაციაში მოსალოდნელია ემოციური აფეთქება მაღალ ტონებში.
სასწორი
სასწორი ერთ-ერთ საუკეთესო უფროსად მიიჩნევა, რადგან ის ყველაფერში ჰარმონიულობისკენ ისწრაფვის. ხელქვეითებს თავისუფლად შეუძლიათ თავიანთი აზრის გამოთქმა და შეუძლიათ, დარწმუნებული იყვნენ, რომ თუ ეს აზრი საქმიანი და საინტერესოა, მას სასწორი-შეფი ყურად იღებს.
მორიელი
ბოსი-მორიელი, ჩვეულებრივ, გაწონასწორებული და მომთმენია. მისი წონასწორობიდან გამოყვანა მხოლოდ მანიპულაციების მცდელობასა და საქმის რეალური მდგომარეობის დამალვას შეუძლია. ხშირად მისდამი ლოიალურად განწყობილ ხელქვეითებს ირჩევს და ხელს უწყობს საყვარელი თანამშრომლების კარიერულ წინსვლას.
მშვილდოსანი
მშვილდოსანი ხელმძღვანელი კომუნიკაციისა და სხვების დარწმუნების ოსტატია. ესა კეთილშობილური, დემოკრატიული ლიდერი, რომელიც სიახლეებს აფასებს. მაგრამ ხელქვეითები არ უნდა შეეცადონ, რომ თავიანთი უპირატესობა აჩვენონ: ცრუ ტრაბახიც კი დაუსჯელი არ დარჩება.
თხის რქა
თხის რქა ხელმძღვანელი რაციონალური და პრაგმატულია, გულგრილობას არ პატიობს - ამას საკმაოდ მკაცრი სასჯელი მოჰყვება. თუ ხელქვეითი ყველა დავალებას პირნათლად შეასრულებს და ქებას, კომპლიმენტს (პირფერობის ჩათვლით) არ დაიშურებს, მასთან მუშაობას ნამდვილად შეძლებს.
მერწყული
მერწყულ ხელმძღვანელზე შეიძლება თამამად ითქვას, რომ ესაა მოქნილი ჭკუა-გონება და უნარი, პროგრესის ტალღა დაიჭიროს. ის არ ცდილობს ბიზნეს-პროცესების მკაცრ ჩარჩოებში მოქცევას. პერსონალს თავაზიანად და საქმიანად ექცევა, ამასთან, მისთვის დაუშვებელია ფამილარული დამოკიდებულება.
თევზები
თევზები - მეგობრული და ყურადღებიანი უფროსი, გაგებით ეკიდება გუნდის თითოეული წევრის საჭიროებებს. ხანდახან, შესაძლოა, ფეთქებადი ხასიათი გამოავლინოს, რადგან მუდმივად იკავებს ემოციებს, მაგრამ კეთილი ბოსის ჩვეულ მდგომარეობას მალევე უბრუნდება.
ასევე დაგაინტერესებთ👇
„Covid-19 საბედისწერო აღმოჩნდა სოფიკოსთვის“- ვინ იყო სტუდენტი, რომელიც კორონავირუსს ემსხვერპლა
ეს ვიდეო უნდა ნახოთ - ეკა ბესელია ცეკვავს „აჭარულს“ დათო ხუჯაძესთან ერთად
წყარო: sputnik-georgia.com
