სახის კანის გამაჯანსარებელ ამ ხერხებში იოგას პრინციპი შენარჩუნებულია, ის მარტივად შესასრულებელია და მოკლე დროში სერიოზული ეფექტი აქვს.
1. შუბლის დაუთოება - აკუპუნქტურის პრინციპით აფერხებს ნაოჭების გაჩენას და ხსნის დაძაბულობას!
ინსტრუქცია:
მუშტებად შეკარით ორივე ხელი. შუა და საჩვენებელი თითების შუა ფალანგის ძვლები შუბლის ცენტრში მოაქციეთ და დააწექით;
ნელ-ნელა დაწოლით გააცურეთ მუშტები შუბლის კიდეებისკენ;
ბოლოს მსუბუქი დაწოლით დაამთავრეთ საფეთქლებზე;
გაიმეორეთ 4-ჯერ.
2. კისრის გაჭიმვა - იჭიმება კისერი და ხელს უშლის ღაბაბის წარმოქმნას.
ინსტრუქცია:
ტუჩები ისე გასწიეთ, რომ ლოყებში დაჭიმულობა იგრძნოთ;
იმავე მხარეს 45 გრადუსით მიაბრუნეთ კისერი. ამ დროს უნდა დაგეჭიმოთ კისერიც;
გააჩერეთ 3 წამი;
გაიმეორეთ მეორე მხარესაც.
3. სახის აჭიმვა - „აუთოებს“ ცხვირ-ტუჩის ნაოჭებს (ღიმილის ხაზებს), მაღლა სწევს თვალებსა და ლოყებს.
ინსტრუქცია:
ღაწვებზე მიიდეთ ხელის გულები ;
დააწექით მაღლა და უკან:
პირით „ო“ წარმოთქვით. ქვედა ყბა მაქსიმალურად ჩაქაჩეთ ქვემოთ.
4. წარბების აჭიმვა - წარბების მოდუნებულ კანს აჭიმავს და ასევე, „დააუთოებს“ ღიმილის ნაოჭებს;
ინსტრუქცია:
ჩამოუშვით მხრები. ერთი ხელი თავს ზემოთ გადაიტარეთ და თითების ბოლოებით წარბს შეეხეთ.
ამ ვარჯიშისთვის დიდი მნიშვნელობა ენიჭება თითების განლაგებას.
ამიტომ გირჩევთ, სარკის წინ გააკეთოთ: არათითი წარბის განაპირას უნდა დაადოთ, შუა თითი კი - საფეთქელზე. ვარჯიშის შესრულებისას თითები არ გაამოძრაოთ.
თითების მსუბუქი დაწოლით აჭიმეთ სახე ზემოთ და უკან; შემდეგ თავი მხარზე ჩამოაგდეთ, ამ პოზაში გაჩერდით ცოტა ხანს;
ბოლომდე ამოისუნთქეთ ჰაერი, თან ენა გადმოყავით მაქსიმალურად;
იგივე გაიმეორეთ მეორე მხარესაც.
