ფსიქოლოგმა მარინა კაჭარავამ მადლიერების მნიშვნელობაზე ისაუბრა. მან აღნიშნა, რომ მადლიერება ორგანიზმში ენდორფინების გამოყოფას უწყობს ხელს:
„მადლობის თქმის და მადლიერების დროს, თავის ტვინში მადლიერების ცენტრი აქტიურდება, რომელიც არის ლიმფური სისტემა. ის აკონტროლებს ჩვენს ემოციურ სფეროს. ამ დროს იწყება ენდორფინების, სიამოვნების ჰორმონის გამოყოფა. ადამიანი თუ მადლიერია, მასში ხდება ენდორფინების გამოყოფა. ამ შემთხვევაში, შესაძლოა, რომ ადამიანის ფიზიკური მდგომარეობაც კი გაუმჯობესდეს.“
მარინა კაჭარავას თქმით, მადლიერება წამალია და ის ადამიანს უკეთ ხდის:
„ბევრი მეცნიერი მიხვდა ამას, რომ მადლიერება თურმე წამალია. მე რომ მადლიერი ვარ, ჩემთვის არის კარგი და არა მისთვის, ვისი მადლიერიც ვარ. დილას ვიწყებ მადლობით და საღამოს ვამთავრებ მადლობით, იმიტომ, რომ ეს დღე მშვიდობიანად დაამთავრა, ყველა სახლშია, ყველა ჯანმრთელია,მადლობა ღმერთს ამისთვის!
ადამიანს აქვს რესურსი. არასდროს არ გეძლევა ისეთი სიმძიმე, რომელსაც ვერ ასწევ. უბრალოდ იმ რესურსს ვერ პოულობ იმ კონკრეტულ სიტუაციაში, რომ აწიო ის პრობლემა. თუ ამ რესურსს მოიძიებ, მისი აწევაც შესაძლებელია. უფალი ამ რესურსს ყოველთვის გაძლევს. ვისაც ამის არ სწამს, ადამიანურ რესურსებსაც რომ ჩაუღრმავდეს, საკუთარ თავში ძალიან ბევრს დაინახავს. ადამიანი მადლობელი უნდა იყოს ყოველდღე, რომ კიდევ ერთი დღე გათენდა,“ - აღნიშნულ საკითხებზე მარინა კაჭარავამ ტელეკომპანია „პულსის“ ეთერში ისაუბრა.
აგრეთვე დაგაინტერესებთ:
🔵„გთხოვ, შეაჩერე სიკვდილთან თამაში“ - რა უთხრა 12 წლის პაციენტმა კულუმბეგოვს?
🔵„ენით აღუწერელი ტრაგედიები ტრიალებს ჩვენს ირგვლივ" - რას ჰყვება ბიძინა კულუმბეგოვი
