შესაძლებელია თუ არა მკერდის გაზრდა ან დაპატარავება ვარჯიშით და თვეში რამდენი კილოს დაკლება ითვლება ნორმად - რჩევები ფიტნეს ინსტრუქტორისგან

„დაიჯესტი“ დღეს ამ ბლოგში იმ მითების დამსხვრევაში დაგეხმარებათ, რომელიც ჩვენ გონებაში წლებია არსებობს. ამაში კი ცნობილი ფიტნეს ინსტრუქტორი ტატო ფიტი დაგვეხმარება.

„წონის კლებასთან დაკავშირებით ბევრი მითია გავრცელებული, ასევე არასწორი დიეტები, რომელიც ძალიან ცუდად მოქმედებს ადამიანის ჯანმრთელობაზე, შესაძლოა, ადამიანმა მარტივად დაიკლოს და სწრაფად, თუმცა მომატებაც მარტივად ხდება. ამიტომ უმჯობესია, ვისაც წონაში კლება უნდა მიმართოს ენდოკრინოლოგს ან დიეტოლოგს, რომელსაც აქვს შესაბამისი კვალიფიკაცია და დაეხმარება სწორად წონის კლებაში,“- ამბობს „დაიჯესტთან“ ტატო.

„ადამიანმა წონაში რომ დაიკლოს აუცილებელია სწორად შეირჩეს კალორაჟი და უნდა იკვებოს 3-4-ჯერ 3 საათის შუალედით,“- ამბობს ინსტრუქტორი ჩვენთან საუბრისას.

რაც შეეხება მითებს 👇

თბილად ჩაცმული ვარჯიში... 👉 ერთ-ერთ ყველაზე გავრცელებული მითია, ბევრ ადამიანს შეხვდებით, რომელიც ვარჯიშობს ე.წ პლაშოვკებით, პარკებით ამ შემთხვევაში ადამიანებს ჰგონიათ, რომ იკლებენ წონას, მაგრამ ეს არის მხოლოდ და მხოლოდ წყალი, სითხე. ასეთი ვარჯიში ცხიმს არ გვაკლებინებს, ხდება მხოლოდ სითხის გამოყოფა, რაც არაფერს ასუსტებს.

დილით წყალი და დილით მოხარშული კვერცხი... უზმოზე წყალი კარგია, თუმცა კვერცხს წონის კლებასთან არაფერი აქვს საერთო. კვერცხი, არის ერთ-ერთი საკვები, რომელსაც იყენებენ სწორ კვებაში, თუმცა უზმოზე მოხარშული კვერცხი წონაში ნამდვილად არ დაგვაკლებინებს.

წონის დასაკლებად უარი უნდა ვთქვათ თუ არა გლუტენზე? - ზომიერად შეიძლება ყველაფრის მიღება, მთავარია ორგანიზმში შექმნა კალორიების დეფიციტი. თუ ადამიანი ქმნის კალორიების დეფიციტს, იმაზე მეტ ენერგიას ხარჯავს, ვიდრე იღებს საკვებიდან ყველა ვარიანტში ხდება წონის კლება. თუმცა აუცილებელია კალორიების დეფიციტი მოხდეს, სწორად შერჩეული დიეტით.

უმარილო დიეტები კარგ შედეგთან ერთად არის თუ არა სასარგებლო? - მარილის გამოყენება შეგვიძლია, ოღონდ ზომიერად.

რამდენად მავნებელი და საჭიროა ორგანიზმისთვის ცხიმები... - ორგანიზმისთვის ჯანსაღი ცხიმების მიღება აუცილებელია, რათა არ გამოიფიტოს სახსრები, მითუმეტეს მოვარჯიშე ადამიანისთვის. ამიტომ ზომიერად ცხიმის მიღება აუცილებელია.

ცხიმი კუნთში გადადის... არა. ეს არის ორი სხვადასხვა რამ. ცხიმი უნდა მოვიკლოთ, კუნთის მასა კი სულ სხვა რამ არის, ერთმანეთთან კავშირი საერთოდ არ აქვს.

მკერდის დაპატარავება ან გაზრდა თუ ხდება ვარჯიშის დროს... რაც შეეხება მკერდის დაპატარავებას, ქალის მკერდი შედგება ცხიმოვანი ქსოვილისგან, როდესაც წონაში იკლებს ქალი, შესაბამისად მკერდიც პატარდება. წონის მომატებისას კი, იზრდება.

რაც შეეხება კაცის მკერდს, ის შედგება კუნთოვანი ქსოვილისგან, მომატების შემთხვევაში კუნთის მასა იზრდება, დაკლების შემთხვევაში კი მცირდება.

ნებისმიერ შემთხვევაში წონის კლების დროს, მკერდის ზომა მცირდება.

ციკლის დროს იკლებს თუ არა ქალი? - წონაში ყველა ვარიანტში იკლებს ქალი, უბრალოდ ამ დროს ორგანიზმში ხდება სითხის შეკავება, როდესაც სასწორზე დადგება ქალბატონი, ამ დროს აჩვენებს 1-2 კილოგრამით მეტს, რადგან ორგანიზმი სითხეს იკავებს ამ დროს.

ტატომ ასევე „დაიჯესტის“ მკითხველს ურჩია, როგორ დაიწყონ ვარჯიში და დიეტა მარტივად სახლის პირობებში.

„მინიმუმ კვირაში 3 დღე, რომ ივარჯიშოთ სახლის პირობებში, უამრავი უფასო აპლიკაციის დახმარებით. ფეხით იაროთ, იძუნძულოთ და გააკეთოთ ლახტი, რადგან არ შენელდეს თქვენი მეტაბოლოზიმი.

მიირთვით საკვები დღეში 4-5-ჯერ, პატარა პორციებით, 3-4 საათის ინტერვალით და არ გაადაჭარბოთ კალორაჟს.

ეცადეთ დღის ბოლო საკვები დაძინებამდე 2 საათით ადრე მიიღოთ, ასევე მიიღეთ ბევრი სითხე, განსაკუთრებით სიცხეში, რადგან ორგანიზმი არ გამოფიტოს,“- ამბობს ტატო.

ჯანსაღად კლების შემთხვევაში, თვეში რამდენი კილოგრამის დაკლება ითვლება ნორმალურად?

გააჩნია ადამიანის მონაცემებს, თუ ადამიანი იწონის 100 კილოგრამს, მან შეიძლება დაიკლოს 6-10 კილო, ხოლო თუ არის არის 60 კილოგრამი ამ შემთხვევაში 4-5 კილოს კლება ნორმალურია.

თუ მოკლე პერიოდში დიდი წონის კლება მოხდა, ეს არ იქნება ცხიმის ხარჯზე დაკლებული. ადამიანის მიზანი, უნდა იყოს ცხიმის დაკლება.

✅აგრეთვე დაგაინტერესებთ:

რამდენი უნდა იყოს ტემპერატურა საძინებელში, რომ ზაფხულის ცხელ დღეებში მშვიდად იძინოთ?

6 მიზეზი, თუ რატომ არის კარგი ლიმონიანი წყალი - გიორგი ღოღობერიძის რჩევები

ქალების უმრავლესობა ორგაზმს ვერ განიცდის - რჩევები ზურაბ მარშანიასგან 40+ ქალებს