რამდენიმე საათში ახალი 2021 წელი დადგება და მძიმე 2020 წელს ყველანი ერთად მალე გავაცილებთ. ახალ წელს ახალი იმედებით და კარგი განწყობით შევხვდებით.
გასული წლებისგან განსხვავებით, წელს ფილარმონიის დიდი საკონცერტო დარბაზი ცარიელია. მსახიობები, იუმორისტები თუ მომღერლები ახლა მათთვის უჩვეულო გარემოში არიან.
„დაიჯესტი“ დაინტერესდა როგორ ხვდებიან 2021 წელს „იუმორინას“ საახები. მათ ხომ ყოველ ახალ წელს ჩვენს ოჯახებში პოზიტივი და სიხალასე შემოჰქონდათ.
ვახტანგ ტატიაშვილი
ახალ წელს კორონავირუსი პანდემიის გამო წელს განსხავებულად ვხვდებით, არსად გასვლა არ მაქვს დაგეგმილი.
ოჯახში ტრადიციას არ ვარღვევთ და ყველანი შვილებთან და შვილიშვილებთან ერთად შევიკრიბებით.
წლევანდელი ჩემი საახალწლო სურვილია ყველანი ვიყოთ ჯანმრთელად და კარგად, რაც ყველაზე მთავარია და გვიყვარდეს და გავუფრთხილდეთ ერთმანეთს და მალე მოვიშოროთ ეს ჭირი.
ნუგზარ კვაშალი
კორონავირუსმა დააპირა ქართულ ტრადიციებში შემოსვლა, რაც მას არ გაუვა, ისეთ ხალხთან როგორებიც ქართველები ვართ.
ახალ წელს ნოსტალგიაც მაქვს, ვიკრიბებოდით ბებიების და ბაბუების ოჯახში და იქ ვხვდებოდით ყველანი ერთად.
პირბადით იქნება თუ პირბადის გარეშე ჩვენ მაინც მივალთ ახლობლებთან ცოტხანით და მივულოცავთ ახალ წელს.
კორონასვირუსის პანდემიას არ გაუვა ის, რომ ქართველებს ქეიფის, სადღეგრძელოს და მოფერების ტრადიცია შეგვაცვლევინოს. ცოტა ხანში, როცა ყველაფერი გაივლის სასაცილოდ არ გვეყოფა ამდენი ხალხი ქუჩაში პირბადით რომ დადიოდა.
ახალი წლის ზეიმები, რომელიც რესტორნებში იმართებოდა საჭირო, იყო. ადამიანს შეეძლო თავის ჰონორარზეე 5-ჯერ მეტი აეღო და შემდეგ ამ ჰონორარით ერჩინა თავი. ახლა კი ჩვენს ასაკში აღარც ახალი წლის კონცერტებზე და არსად გვეძახიან და ცოტათი „გვიტყდება“ კიდეც. როცა გრძნობ, რომ პოტენციალი კიდევ გაქვს და ბევრ ახალგაზრდაზე უკეთესად შეგიძლია გააკეთო, ის რასაც თავად აკეთებენ.
ქართული ტრადიციები მოერევა ამ უბედურებას. მინდა ყველას მივულოცა დამდეგი ახალი წელი.
„დაიჯესტს“ ნუგზარ კვაშალმა საოჯახო და მეგობრების ალბომიდან ფოტოები გაუზიარა.
ნუგზარ კვაშალი შვილიშვილებთან ერთად
ნუგზარი კვაშალი ოჯახთან და მეგობრებთნ ერთად.
⚪საინტერესო ამბები
2500 კაცი, დარბაზში სანთლით ხელში იდგა - თემურ წიკლაურის დიდი ტრაგედია და ოჯახური ამბები
