ლეგენდის თანახმად თბილისში არსებობს რამდენიმე სახლი, რომლებიც პენტაგრამას ჰქმნიან. პენტაგრამის შემადგენელობაში შესული სახლებიდან, ერთ-ერთი ინგოროყვას 6 ნომერში მდებარეობს. მას მეორენაირად „ეშმაკის სახლსაც“ ეძახიან.
პენტაგრამის გარდა, ამ სახლს საშიშს ციფრი 6 ხდის, რაც საკრალური ციფრია და პენტაგრამასთან ერთად სამ ექვსიანს, „ეშმაკის ციფრს“ გახსნებს.
ამ ყველაფერს თუ დავურთავთ ბარელიეფს, რომელიც „ეშმაკის“ გამოსახულებითაა დამერწმუნებით, რომ სახლი ნამდვილად საშიში გამოჩნდება...
არადა ეს ფიგურა, რასაც ხალხი „ეშმაკს“ ადარებს, მითოლოგიური პერსონაჟი პანია, რომლის გამოსახულებასაც ხშირად იყენებდნენ არქიტექტორები...
როგორც ამბობენ, სახლი განსაკუთრებით შემზარავად ჩამავალი მზის შუქზე ჩანს. გარე ფასადზე იდაყვებზე დაყრდნობილი რქიანი და წაწვეტებულყურებიანი ფიგურაა გამოქანდაკებული.
სახლზე კიდევ რამდენიმე პატარა უცნაური არსების თავსაც შეამჩნევთ...
ზემოთ კი სხვენია, სადაც მრავალი წლის წინ სომეხ გოგონას თავი ჩამოუხრჩვია.
სახლის სარდაფში, როგორც ამბობენ, ეშმაკის გამოსახულებაა და გზას აქედან საიდუმლო ოთახში გავყავართ. ესაა ის ლეგენდად ქცეული ამბავი, რომლეიც თბილისში თაობიდან თაობას გადაეცემა და ჯერჯერობით ვერავინ გარკვია მითია თუ რეალობა...
გავრცელებული ლეგენდის თანახმად, ეს სახლი მე-19 საუკუნეში სომეხმა ვაჭარმა შეიძინა, სახლში არის ბუხრის მსგავსი კუთხე, რომელზეც ბავშვის ფიგურაა გამოსახული და შესაძლოა, სწორედ ეს იყოს საიდუმლო გვირაბში ჩასასვლელი კარი.
როგორც ცნობილია, ვაჭარი სპირიტიზმით იყო დაინტერესებული და ხშირად ტარდებოდა რიტუალები.
ამბობენ, რომ სახლში დღემდე დაფრინავს ნივთები და ისმის უცნაური ხმები, რის გამოც აქ ცხოვრებას ყველა თავს არიდებს.
ე.წ. ეშმაკის სახლი არქიტექტორმა ალექსანდრე შიმკევიჩმა 1888 წელს ააშენა.
მასვე აუშენებია თბილისის ყველაზე ლამაზი შენობები: ისლამური სახლი (1885 წ.), კავკასიის აბრეშუმის სახლი (1892 წ.), საქართველოს უზენაესი სასამართლო (1894 წ.), შოთა რუსთაველის სახელობის სახელმწიფო აკადემიური თეატრი (არქიტექტორ კ. ტატიშჩევთან ერთად; 1901 წ.), კონსერვატორია (1904 წ.), ანდრიოლეტის სახლი (1901 წ.), ფუნიკულიორის შენობა (არქიტექტორ ბლუშემთან ერთად; 1905 წ.), ბათუმის გიმნაზია (1897 წ.).
შიმკევიჩი მასშტაბურ პროექტებზე მუშაობდა და არა საკუთარ სახლებზე. საინტერესო ის არის, ვისი შეკვეთით ააშენა ეს კერძო სახლი.
შეიძლება, მართლა იყო ზემოთ ხსენებული სომეხი ვაჭრის დაკვეთა. შიმკევიჩის სხვა შენობები რომ ნახოთ არსად არაა მსგავსი პანის ფიგურა გამოსახული...
და მაინც ლეგენდა ლეგენდად რჩება. როგორც ცნობილია, ამ სახლს რეაბილიტაცია ჩაუტარეს და ახლა ერთი ქალი ცხოვრობს.
მისი თქმით, სახლში ჩვეულებრივი გარემოა, არც ნივთები გადაადგილდება და არც „ეშმაკის“ გამოსახულების ბუხარია...
შესაბამისად, მითები სახლის შესახებ უბრალო კოცონთან მოსაყოლ საშიშ ამბად რჩება, რითაც მეგობრებს ვაშინებთ ხოლმე...
აგრეთვე წაიკითხეთ:
გაჭირვება, დაცინვა, 2-ღმერთიანობა, ტანჯვა და აუხდენელი ოცნებები - ყანჩელის პორტრეტი
ეკა მამალაძის 2 ქმარი, მარტოხელა დედობა და რომანი მეგობრის ქმართან
„ღალატი“, 2 ქორწინება, ეჭვიანობა და აგარაკზე გარდაცვლილი მეუღლე - გურამ საღარაძის პორტრეტი
