პოლიტიკოსი, საქართველოს მე-9 მოწვევის პატლამენტის წევრი, ნინო წილოსანი ერთ-ერთი ახალგაზრდა პოლიტიკოსია. მისი კარიერა ოჯახური ბიზნესით დაიწყო, ის მამის კომპანიაში ბუღალტრად მუშაობდა.
მისივე თქმით, პოლიტიკოსობამდე რთული გზა გაიარა. წილოსანმა ყველაზე დაბალი საფეხურიდან დაიწყო მუშაობა და 2011 წლიდან შპს „ვაგონშემკეთებელი კომპანიის“ სამეთვალყურეო საბჭოს თავმჯდომარე გახდა.
რაც შეეხება პოლიტიკაში წასვლას, ეს მითვის ახალი გამოწვევა იყო. რადგან გურულ ოჯახში დაიბადა, მისთვის ნაცნობი იყო გურული ხალხის პრობლემები და შესაბამისად, მათი ხმის პარლამენტში წარდგენა მნიშვნელოვანი იყო.
ახალგაზრდა პოლიტიკოსის პირადი ცხოვრების დეტალები ძალიან ცოტამ იცის. „დაიჯესტი“ შეეცდება ცოტა რამ გიამბოთ, წილოსანის შესახებ.
მისი მეუღლე, ვლადიმერ აბულაძეა. წყვილს სამი შვილი ჰყავს.
მიუხედავად სამი შვილისა, ნინო არაჩვეულებრივ ფორმაშია, რაც როგორც თავად ამბობს, ჯანსაღი ცხოვრების წესით განისაზღვრება.
„დავდივარ სავარჯიშოდ, არ ვჭამ ხორცს და ვცდილობ სწორად ვიკვებო“,- ამბობს ნინო ერთ-ერთ ინტერვიუში.
როგორც თავად ამბობს, შვილების აღზრდაში უფრო მეტი პასუხისმგებლობა მას ჰქონდა, რადგან მეუღლე რთული გრაფიკით მუშაობდა, თუმცა, პარლამნეტში შესვლის შემდეგ ყველაფერი შეიცვალა.
„ის ტიპური ქართველი მამაა, რომელიც სამსახურით ისე იყო დაკავებული, რომ ბავშვებისთვის ცოტა დრო რჩებოდა. თუმცა, როდესაც პარლამენტში მოვხვდი ყველაფერი შეიცვალა და მამაც ისევე იღებს მონაწილეობას შვილების აღზრდაში, როგორც მე.
რაც შეეხება აქულაძის ქონებას, ის დეკლარაციის მიხედვით, 1 242 აქციას ფლობს, არის 4 კომპანიის პარტნიორი.
ასევე, მის მფლობელობაშია 3 ბინა, ორი საცხოვრებელი ფართი და მიწის ნაკვეთი, რომელთა საერთო ღირებულებაც 640 ათასი ლარია.
ასევე, წილოსანის მეუღლე არის შპს „ვაგონმშენებელი კომპანიისა და ელექტროვაგონშემკეთებელი ქარხანის“ სამეთვალყურეო საბჭოს წევრი. ამ პოზიციაზე მან ხელფასის სახით 2019 წელს 44 ათას 612 ლარი მიიღო.
იგი ასევე არის სს „რუსთავის მეტალურგიული კომბინატის“ ფინანსური დირექტორი, საიდანაც ხელფასის სახით 13 ათას 752,65 ლარი მიიღო.
ვლადიმერ აბულაძე ფლობს რუსთავის მეტალურგიული კომბინატის 1 242 ცალ ფასიან ქაღალდს. 1 ცალის ნომინალური ღირებულება 1 ლარი და 46 თეთრია.
🔘 აგრეთვე წაიკითხეთ:
ვინ არის თინა ბოკუჩავას მეუღლე და რატომ იტირა ქმრის გამო
ჰყავს მეუღლე, მისთვის ოჯახის დანგრევა არ მითხოვია - სურამელაშვილის სიყვარულის ისტორია
