მამა, რომელიც ოჯახის 4 წევრს, მათ შორის ორ შვილს გლოვობს - ბათუმში მომხდარი ტრაგედიის შემდეგ, რამაზ დავლაძე საკუთარი ემოციებისა და მომხდარის დეტალებზე პირველად ალაპარაკდა.
საბედისწერო დღეს, კაცმა, რომელსაც როგორც თავად ამბობს, უბედნიერესი ცხოვრება ჰქონდა, ოჯახის 4 წევრი დაკარგა.
„ღმერთის მეშინია, არ მინდა ვინმეს რამე დავაბრალო,“ - ამბობს რამაზ დავლაძე რომელიც პროფესიით მშენებელია, თუმცა იმასაც აღნიშნავს, რომ კორპუსის პირველ სართულზე დაწყებული სამუშაოების დროს, მან ეს ადგილი მოინახულა და ისეთ რამ, რაც კითხვის ნიშნებს გააჩენდა, ვერ ნახა.
„რა უნდა ვთქვა, დამენგრა ცხოვრება თავზე, ერთ წუთში გადამიწყდა ცხოვრება, უბედნიერესი კაცი ვიყავი, ჩემზე ბედნიერი ადამიანი ვერ წარმომედგინა, მაგრამ ასეთია ღვთის ნება და ჩემი განგება. რომ მივდიოდი ბულვარში მთელი ტროტუარი მიმქონდა. დამენგრა ცხოვრება, ცრემლს ვეღარ გავაჩერებ ჩემს თვალზე. ერი ბიჭი დამრჩა და ეგაა, რაც სტიმულს მაძლევს ცხოვრების და ამხელა ტკივილის გადატანის.
ქვემოთ აკეთებდნენ ხოლმე რაღაცას, უკაკუნებდნენ, მაგრამ თბილისში ვიყავი წასული და 2 რიცხვის მერე არ მინახავს არაფერი. არ მინდა ვინმეს რამე დავაბრალო, ღმერთის მეშინია. მე პირველ რიცხვში მივედი მათთან ვინც იქ სამუშაოებს აკეთებდა და ვუთხარი, რომ ეს არის მზიდი კედელი და ამას ხელი არ მოკიდოთთქო. იქ მანამდე იყო 2 ოთახიანი ბინა და რომ ვნახე სამუშაოების დროს, ფაქტობრივად დიდი სივრცე დამხვდა, რომელსაც არც კედელი ჰქონდა და არც არაფერი. მე მშენებელი ვარ პროფესიით, არ იყო მანდ ისეთი დანგრეული იმ დროს, რომ რაიმეს კითხვის ნიშნები გამოეწვია, მაგ დროს მზიდი კედლები ადგილზე იყო, ეს ვნახე მე პირველში.
ტრაგედიის დღეს, ჩემი ოჯახის ყველა წევრი სახლში იყო, დილით გავიღვიძე, გამოვედი, ჩემმა მეუღლემ ბავშვს ჩააცვა და ბაღში წაიყვანა, რომ მოვიდა მე გავედი სახლიდან ჩემს საქმეზე, დაახლოებით ეს 10 საათზე მოხდა, თუმცა 12 საათზე მირეკავენ ასეთი ამბავიაო,"- აცხადებს რამაზ დავლაძე.
ინფორმაციისთვის, ბათუმში, 26 მაისის ქუჩაზე, საცხოვრებელი კორპუსი 8 ოქტომბერს ჩამოინგრა. ნგრევას 9 ადამიანი ემსხვერპლა, მათგან 3 არასრულწლოვანია. შინაგან საქმეთა სამინისტრომ მომხდარ ფაქტზე 3 პირი დააკავა.
🔵კაცს, რომელმაც ბათუმში მეუღლე და 2 შვილი დაკარგა, ბინას გადასცემენ
🔵„კორპუსების დანგრევა რუსული სივრცის პოლიტტექნოლოგიაა“ - ჟურნალისტი
🔵„ცოცხლად დამაჭერინა თქვენი თავი და შემაგდებინა საქათმეში“ - რას წერს ბესო ჩუბინიძე
წყარო: rustavi2.ge
