შინაგან საქმეთა სამინისტროს ცნობით, ახმეტაში მომხდარი ყაჩაღობის ფაქტზე ყაჩაღობის ბრალდებით, 2005 წელს დაბადებული დ.ჭ. დააკავეს.
„გამოძიებით დადგინდა, რომ ბრალდებული მიმდინარე წლის 7 აგვისტოს, ახმეტაში მაღაზია „იოლის" მოლარე-კონსულტანტს პნევმატური იარაღით სიცოცხლის მოსპობით დაემუქრა. დ.ჭ.-მ ყაჩაღური გზით მაღაზიიდან გაიტაცა ფული, სიგარეტის კოლოფები და მიიმალა. პოლიციამ ბრალდებული დანაშაულის ჩადენიდან მალევე, ახმეტის მუნიციპალიტეტში დააკავა",- წერია უწყების განცხადებაში.
ცნობისთვის, გამოძიება სისხლის სამართლის კოდექსის 179-ე მუხლით მიმდინარეობს. დანაშაული 5-დან 7 წლამდე ვადით თავისუფლების აღკვეთას ითვალისწინებს.
ასევე დაგაინტერესებთ👇
დაიღუპა 14 ადამიანი და 18 დაშავდა - ნახეთ, ტრაგიკული ამბის დეტალები
