გლდანის ციხის საავადმყოფოში ტომოგრაფიის აპარატი მიიტანეს. გლდანის ციხის ტერიტორიაზე, განსაკუთრებულ დავალებათა დეპარტამენტის წარმომადგენლები, სპეციალური დანიშნულების რაზმი, საგანგებო სიტუაციების მართვის სამსახური და წყლის ჭავლის მანქანა შეიყვანეს.
ადგილზე მობილიზებულია პოლიცია.
შეგახსენებთ, სააკაშვილის დედამ გიული ალასანიამ განაცხადა, რომ რუსთავის ციხიდან მიხეილ სააკაშვილი გადაიყვანეს და ის აქ აღარ არის.
მოგვიანებით პენიტენციურმა სამსახურმა განაცხადა, რომ სააკაშვილი გლდანის N18 ციხის საავადმყოფოში გადაიყვანეს.
ინფორმაციისთვის, ყოფილი პრეზიდენტი მიხეილ სააკაშვილი თბილისში პირველ ოქტომბერს დააკავეს. იგი რუსთავის ციხეში იმყოფება და შიმშილობს.
სააკაშვილი აცხადებს, რომ ის პოლიტპატიმარია და პროტესტის ნიშნად დაკავების დღიდან ამ დრომდე შიმშილობს.
ამავე თემაზე👇
🔵VIDEO: ნახეთ პალატა, რომელშიც მიხეილ სააკაშვილს მოათავსებენ
🔵„ყველაფერს აკეთებენ, რომ ჩვენ ავირიოთ... შეცდომის უფლება არ გვაქვს, არავის“ - ხატია დეკანოიძე
🔵სააკაშვილი გლდანის N18 ციხის საავადმყოფოში გადაიყვანეს - პენიტენციური სამსახურის განცხადება
🔵„SOS!!! ამას ჰქვია მძევალი მიხეილ სააკაშვილის გატაცება“ - ნიკა გვარამია
