ცოტა ხნის წინ ბათუმში ნანგრევებიდან 35 წლის ქალი ამოიყვანეს. როგორც ქალის მეუღლე ჟურნალისტებთან საუბრობს, ქალი შეუძლოდაა და მას მრავლობითი მოტეხილობები აღენიშნება.
რამაზ დავლაძე იმედოვნებს, რომ მაშველები მათ ბავშვებსაც იპოვიან.
„ძალიან შეუძლოდაა, დამტვრეულია. ღმერთის წყალობით ცოცხალია. ახლა ბავშვებსაც გამოვიყვანთ, ღმერთით. ბავშვების ხმა თითქოს ისმისო, მაგრამ მე არაფერი ვიცი. მეუღლე კონტაქტური ჯერჯერობით არ არის," - აცხადებს რამაზ დავლაძე.
ამჟამად, მაშველები მეკეიძის შვილებს - 1.2 წლის და 9 წლის ბავშვებს ეძებენ.
შეგახსენებთ, რომ ბათუმში 26 მაისის ქუჩაზე საცხოვრებელი კორპუსი ჩამოინგრა.
ჯერჯერობით უცნობია ინფორმაცია დაშავებულთა შესახებ. კორპუსის მიმდებარე ტერიტორიაზე დაზიანებული მანქანებიდან მაშველებმა სამი პირი, მათ შორის ორი ბავშვი ამოიყვანეს.
მოგვიანებით, დანგრეული შენობის გვერდითა ნაწილიდან მაშველებმა კიდევ ერთი მოქალაქე გამოიყვანეს.
🔘აგრეთვე დაგაინტერესებთ:
🔵VIDEO: „შოკურ მდგომარეობაში იყო...“ - ბათუმში ნანგრევებიდან ბავშვი ამოიყვანეს
🔵„დედას 20 დღის ჩვილი ხელში ეჭირა, წლის და 3 თვის ბავშვი კი მანქანაში იყო“ - რას ჰყვება თვითმხილველი
