სკოლების გახსნა და მუნიციპალური ტრანსპორტის მუშაობის აღდგენა 1-ლი მარტიდან იგეგმება, - ამის შესახებ ინფრასტრუქტურის მინისტრმა და ვიცე-პრემიერმა საკოორდინაციო საბჭოს სხომის დასრულების შემდეგ გამართულ ბრიფინგზე განაცხადა.
მისივე თქმით, 1-ლი თებერვლიდან ბათუმში, ზუგდიდში, გორში, ფოთსა და თელავში მუნიციპალური ტრანსპორტის, სკოლების, მაღაზიებისა და სავაჭრო ობიექტების მუშაობა აღდგება.
პირველ მარტამდე ქვეყანაში გადაადგილების შეზღუდვა „კომენდანტის საათის“ სახით ძალაში რჩება. ამის შესახებ ვიცე-პრემიერმა მაია ცქიტიშვილმა ბრიფინგზე განაცხადა.
მისი თქმით, გადაწყვეტილება მთავრობის უწყებათაშორისი საკოორდინაციო საბჭოს სხდომაზე მიიღეს.
„1-ელ მარტამდე ძალაში რჩება გადაადგილების შეზღუდვა, კერძოდ „კომენდანტის საათი“ საღამოს 21:00 საათიდან დილის 05:00 საათამდე“, - აღნიშნა მაია ცქიტიშვილმა.
ინფორმაციისთვის, კორონავირუსის გავრცელების პრევენციის მიზნით, სხვადასხვა შეზღუდვებთან ერთად, „კომენდანტის საათი“ რამდენიმე თვეა მოქმედებს.
