სოციალური ქსელის მომხმარებელი, ნონა გრიგალაშვილი აფთიაქში მომხდარ ამბავზე წერს. მისი თქმით, ახალგაზრდა გოგოს, რომელიც ეპიდვითარების გამო ძალიან შეშინებული იყო, დამამშვიდებელი აბების შეძენა სურდა.
„დღეს აფთიაქში მომიწია შესვლა...ჩემს წინ გოგონა იდგა და დამამშვიდებელს სთხოვდა ფარმაცევტს, ისეთი მომეცით, რომ გამთიშოსო....ისეთი პანიკა ჰქონდა ამ გოგოს, თავს ვერ აკონტროლებდა...დაამშვიდეს, დააწყნარეს მადლიერმა ხალხმა და წამალიც ურჩიეს. პრობლემებზეც შეეკითხნენ მორიდებით, რატომ იყო ასე დაპანიკებული და რა თქვა იცით, ორმაგი პირბადეს მიღმა? უკვე მეშინია ჰაერსაც, რომ ვსუნთქავ რამე სასიკვდილო არ შევიყნოსოო... ძალიან არაადეკვატური იყო. საბრალო, უკონტროლო და გამოუვალ სიტუაციაში მყოფი, რა შევატყვე იცით? დაუფარავად აღიარა თავის სიგიჟე, რომ ხალხის თანაგრძნობა ეგრძნო....წუხდა ასეთი შიშები არასდროს მქონია, ჩემზე უნერვო ადამიანი არ არსებობდაო... ძალიან შემეცოდა, გულწრფელად. მე ჩემი თავი მეგონა პანიკა და თურმე ხალხი უარესს დღეშია. წამოვედი და ვფიქრობდი, რას დაემსგავსა ხალხი, თუ რას დაამსგავსენ. ცოდოები ვართ ძალიან და უსუსურები...უბრალოდ ყველაფრის გადმოცემა ზომიერად და მისაღებად არ გამოიწვევდა ამხელა ისტერიკას ხალხში, ფარმაცევტების არ იყოს, ამდენი დამამშვიდებელი ჯერ არ გაგვიციაო.... შევატყვე ყველა ფსიქოლოგიურად ჩამოშლილი ადამიანი იდგა ჩემს წინ! ხალხს ცხოვრება დაენგრათ, ლაღი ცხოვრება, რომლის უმადურები ვყოფილვართ და ჩვენ ხომ არასდროს არ ვაფასებდით იმ გიჟ და მხიარულ დროს", - წერს სოციალური ქსელის მომხმარებელი.
ასევე დაგაინტერესებთ👇
